Pacifiko : lasttempaj artikoloj
- Aŭstralio revizios siajn cunamo-atentigojn
- Posteuloj de kanibaloj pardonpetas
- Gigantaj glacimontoj alproksimiĝas al Nov-Zelando
- Aŭstralio pardonpetas al "forgesitaj infanoj"
- Palaŭo : pioniro de ŝarkorifuĝejo
- Impresaj polvoŝtormoj super Aŭstralio
- Aŭstralio : Polemika debato pri civitaneco
- Delfeno ne volas halti ludon !
- Tuvalo : antaŭen al senkarbona energio
- Kontraŭ-barataj tumultoj maltrankviligas registaron
La mondo en bildoj
| Klaku.net | Via demokratia amaskomunikilo |
|
| Gigantaj glacimontoj alproksimiĝas al Nov-Zelando |
 |
 |
| Pacifiko - Natura medio |
  NOV-ZELANDO - 26-an de novembro, 2009.Averto estas publikigita al ŝipoj en la suda Pacifika oceano post kiam pli ol 100 glacimontoj estis ekviditaj drivantaj al Nov-Zelando. La glacimontoj, el kiuj kelkaj estas 200 metrojn altaj, estis kredeble rompitaj de Antarkta glaciplato. Multaj sciencistoj kredas, ke ĉi tiuj segmentoj disrompiĝos longe antaŭ ol atingi la novzelandan marbordon.
La lasta okazo kiam tia granda floteto estis ekvidita tiel proksime de la insularo estis en 2006. Maraj respondeculoj de Nov-Zelando publikigis la atentigon al ŝipoj en la loko, kvankam tio ne estas grava ŝiptransirejo. La proparolanto Ross Henderson deklaris : "Tio estas vere nur ĝenerala averto por ŝipoj en tiu loko kiuj estu en stato de gardemo pro glacimontoj."  La glaciologo Neal Young, de la "Australian Antarctic Division", diris, ke la floteto sin direktas al la novzelanda ĉefa suda Insulo. Sro Young diris, ke satelita fotografio vidis nur unu grapolon de glacimontoj sed tute ne signifas, ke ne estas aliaj ĉirkaŭe. Li aldonis, ke la plej proksimiĝanta glacimonto, proksimume 30 metrojn alta, situas 257,5 km sudoriente de la novzelanda insulo Stewart. Iom antaŭe ĉimonate la aŭstralia registara organizaĵo raportis, ke pli grandaj glacimontoj estis viditaj proksime de la tasmania teritorio de Macquarie. Oni kredas ĉi tiu aparta aro devenas de tiuj gigantaj blokoj. Kelkaj sciencistoj kredas, ke la glacimontoj originale rompiĝis for de la Ross Marglacia Breto en 2000 kaj estas drivantaj kaj malrapide disrompiĝantaj ekde tiam, raportoj diras. En 2006, kelkaj glacimontoj el la sama rompita breto venis 25 km de la marbordo. Tian fenomenon oni lastfoje en 1931. Mike Williams, oceanografo de la Nacia Instituto de Akvo kaj Atmosferaj Esploroj, diris, ke ĉar la glacimontoj moviĝas je rapideco de nur 25 km tage, li ne atendas, ke multe da ili atingos la novzelandan marbordon. La glaciologino Wendy Lawson, de la brita Universitato de Canterbury, malgravigis la situacion. Ŝi diris al la novaĵagentejo AP : "Glacimontoj ĉi tiu for norde apud Nov-Zelando ne tiel nekutimas. Se glacimonto disrompiĝas de glacitavolo, ĝi daŭros pli longe en la maro. Sia movado kaj kien ĝi fine troviĝos estas determinata de la vetero, vento, oceanaj fluoj kaj temperaturo," ŝi diris. Sciencistoj estas hodiaŭ prienketantaj la kondiĉojn kiuj ebligis al tiel grandaj glacimontoj vojaĝi tiel longe. |
