La retadreso Esperanto.com, kiu longe estis posedata de usona privatulo, estis aĉetita de esperantistoj por nova, nuresperanta socia retejo. La nova retejo estas la dua provo krei esperantistan socian retejon, post Amikumu.com, kiu funkciis dum la jaro 2007 kaj tiam atingis proksimume 1.700 membrojn.
Slovaka versio de filmo "Esperanto estas..." kiel elstara dokumento akiris novan retejon. Ĝi do aldoniĝis al nemultaj lingvoj en kiuj tiuspeca retejo ekzistas. Sed filmo ekzistas en pli multaj lingvoj kaj tiuj meritas same sian propran retejon...
Naskiĝis dulingva humura retejo (en Esperanto kaj en la hispana). Eblas publikigi humuraĵojn (aŭ ŝercojn, spritaĵojn, ĉiajn humurajn tekstojn), komenti, voĉdoni, sendi ilin al aliaj retejoj (ankaŭ al klaku, se indas!), ktp.
La projekto “Verda Filmejo” estis lanĉita la 1-an de junio 2009. Ĝi enhavas kvindekon da filmoj subtekstigitaj en esperanto kaj unu dublita.
“Kin-Dza-Dza” estas komedia kaj profunde filozofia malutopia filmo, malfacile imagebla en sovetia Rusio.
La filmon dublis Andreo Grigorevskij. Estas publikigata kun interkonsento de dublisto.
Omar Bongo Ondimba, la prezidento de Gabono, mortis hieraŭ en kuracejo en la hispana urbo Barcelono, la gabona ĉefministro anoncis. Bongo, kiu estis la reganto de afrika ŝtato kun la plej longa mandato, mortis ĉe la malsanulejo de Quirón je la aĝo de 73 jaroj, Jean Eyeghe Ndong diris en komunikaĵo.
GABONO / KONGO / EKVATORA GVINEO / FRANCIO - 3-an de decembro, 2008.
Franca kontraŭkoruptaj aktivuloj decidis starti proceson kontraŭ la prezidentoj de Gabono, Kongo kaj Ekvatora Gvineo. Ili akuzas, ke tiuj prezidentoj akiris luksajn hejmojn en Francio, aĉetitaj per malversaciita publika mono. La franca grupo "Malkaŝemeco Internacia", la neregistara grupo "Ŝerpo" kaj gabona civitano lanĉis komunan agon kontraŭ la prezidentoj Omar Bongo Ondimba, Denis Sassou Nguesso kaj Teodoro Obiang, kaj kelkaj el iliaj asociitoj, ili diris en komuna komunikaĵo.
Niĝeria agentejo pri manĝaĵoj kaj kuraciloj anoncas, ke 25 geinfanoj kiuj havas inter tri monatojn kaj kvar jarojn mortis post kiam ili englutis kontaminatan dentopuŝan siropon. La Nacia Agentejo pri Administro kaj Kontrolo de Manĝaĵoj kaj Kuraciloj (NAFDAC) diris, ke ĝi fermis la fabrikon en Lagos, "Barewa Pharmaceuticals".
Saŭda cisterna superŝipo kaperita de piratoj kun ŝarĝo de 100 milionoj da usonaj dolaroj da petrolo ankriĝis apud la marbordo de Somalio. La "Sirius Star" estas la plej granda ŝipo iam ajn kaperita. Ĝi estis kaptita en la Hinda Oceano apud orienta Afriko dimanĉon en la plej aŭdaca atako de piratoj venintaj el anarkia Somalio. "Ni povas konfirmi, ke la ŝipo estas ankrata ĉe la somalia marbordo apud la urbo Haradheere," la leŭtenanto Nathan Christensen, proparolanto por la usona kvina militista ŝiparo, diris hodiaŭ.
Almenaŭ 60 homoj mortis en kolizio inter pasaĝeraŭtobuso kaj varkamiono en tiu okcidentafrika lando. La du veturiloj ekbrulis post la kraŝo kaj multaj restis kaptitaj en la aŭtobuso, loka oficialulo diris al AFP novaĵagentejo. La akcidento okazis ĉe tagiĝo apud la urbo Boromo, 167 km okcidente de la ĉefurbo, Uagaduguo.
GABONO / 
HISPANIO - 9-an de junio, 2009.
KONGO / 
EKVATORA GVINEO / 
FRANCIO - 3-an de decembro, 2008.
NI
SOMALIO - 18-an de novembro, 2008.
BURKINA-FASO - 16-an de novembro, 2008.
