NOV-ZELANDO - 05-an de aŭgusto, 2009.

Novzelanda naĝistino estis en malfacila situacio, kiam amika delfeno malhelpis ŝin reveni al marbordo. La virino estis naĝanta kune kun la delfeno, nomata Moko, ĉe Mahia Beach sur la Norda Insulo. Sed la ludema delfeno ne deziris fini la amuzan momenton. Homoj ĉe apuda kafejo poste aŭdis ŝin krii por helpo, kaj remis en direkto al ŝia savo.

Ŝi estis trovita, elĉerpita kaj ekstreme malvarma, dum ŝi alkrociĝis al buo meze de maro. Ŝi rakontis, ke la delfeno ne volis ŝin vundi. La virino, kiu volis resti anonima, surhavis specialan vestaĵon. Sed ĝi ne protektis ŝin de la vintra malvarmo. Ŝi diris al la ĵurnalo Gisborne Herald : "Mi eliris sole tre malfrue, kiu verŝajne ne estis la plej saĝa afero por fari. "Ni estis ĉirkaŭludantaj dum kelka tempo kaj tamen kiam mi volis reveni, li nur volis plu ludi. Mi elĉerpiĝis kaj komencis paniki."

Moko ekloĝiĝis ĉe Mahia Plaĝo, sude de Gisborne, antaŭ du jaroj, kaj fariĝis grava allogaĵo. Dum la somero, centoj da homoj iras al la akvo por ludi kun li. Sed estas malpli da homoj en la vintra periodo, kaj loĝantoj kredas, ke tiame sentas sin soleca kaj enuas. Moko, trijara granda delfeno, akiris tutmondan famon en marto pasintjare, kiam li venis al la savo de du balenoj. La balenoj - patrino kaj filino - estis lacegaj kaj konfuzitaj, kaj ne povis trovi sian vojon preter sabla baro. Moko estis vidita gvidanta ilin desupre mallarĝan kanalon al plis sekura loko. Sed sciencistoj zorgas pri la sano de Moko. En lastatempa studo ili trovis sur li cikatrojn de boatoj kaj fiŝhokoj. Ili atentigis, ke el la 30 "solaj" delfenoj identigitaj tutmonde, 14 jam estas vunditaj aŭ mortis rezulte de ilia interrilatado kun homoj.