Serĉi en la retejo
Azio : lasttempaj artikoloj
- Grava tropika ŝtormo frapas Filipinojn
- Ĉinio: 659 milionoj da usonaj dolaroj estis uzataj por sanigaj aferoj en Xinjiang
- Japanio subtaksis riskojn de cunamo
- Ĉu Dalailamao bonvena en Ĉinio ?
- Efika maturiĝo de fruktoj pere de muziko
- Fortega tertremo kaj cunamoj frapas Japanion
- Dalai-Lamao preparas sian politikan rezignon
- Batalhelikopteroj mortigas 9 afganajn infanojn
- Kontesto de diktatoraj reĝimoj: ĉu risko por Ĉinio ?
- Ora semajno en Ĉinio
Vizitu nian paĝon en Facebook Plej popularaj artikoloj
Majo 2011
1 - Kosmosondiloj Voyager forlasos la sunsistemon en 20162 - Babela turo farita de libroj inaŭguriĝis en Bonaero
3 - Mallonge el Eŭropo
4 - La post-atoma epoko
5 - Baloto en Kanado : Konservativuloj gajnas
| Klaku.net | Via demokratia amaskomunikilo en Esperanto - Submitted news |
|
| Grava sanzorga krizo en Nordkoreio |
 |
 |
| Azio - Socio |
  NORDKOREIO - 15-an de julio, 2010.Nordkoreio ne plu kapablas provizi sian popolon per la plej baza sanzorgo, Amnestio Internacia avertas. Enketo de la kontrolorganizo pri homaj rajtoj trovis apenaŭ funkciantajn hospitalojn, malbonan higienon kaj epidemiojn kiuj tre malbone efikas sur la popolon ol vasta nutromanko.
Multaj estas ankaŭ tro malriĉaj por pagi sanpritraktojn, la raporto citanta Nordkoreanojn kaj sanigistojn diris. Pjongjango elspezas malpli ol unu dolaro jare popersone en sanzorgo , la Monda Organizo pri Sano montras. La raporto de Amnestio Internacia, titolata "La Diseriĝanta Sana Prizorgo en Nordkoreio", estas bazita sur intervjuoj kun pli ol 40 Nordkoreanoj, kiuj iris eksterlanden inter 2004 kaj 2009. Sanoprofesiuloj kiuj kunlaboras kun Nordkoreanoj estis ankaŭ konsultitaj. La registaro de Pjongjango diras siaflanke, ke ĝi donas al sia popolo senpagan sanzorgon, sed atestantoj diris al Amnestio, ke ili devis pagi ĉiujn servojn dum la lastaj 20 jaroj. Ekzemple, 20-jara virino el la norda provinco de Hamgyeong diris: "Homoj ne iras al la hospitalo se ili ne havas monon ĉar ĉiu scias, ke oni tie devas pagi. Se vi ne havas monon vi mortas" aldonas tiu virino, kiuforlasis Nordkoreio en 2008. Alia viro klarigas, ke hospitaloj ne havas medikamentojn, kaj se iu bezonas pritrakton, li / ŝi devas iri al la bazaro kaj aĉeti la medikamentojn bezonatajn por la kuracistoj. Malbona higieno ĉe kuracaj instalaĵoj kaj ekstrema manko de medikamentoj estis minacanta la vivon de multaj, Amnestio Internacia avertis, kaj homoj rutine komercas cigaredojn, manĝaĵojn kaj alkoholaĵojn kontraŭ kuracado. 56-jara virino rakontis al  Amnestio, ke ŝi estis operaciita pri apendicito sen anestezaĵo. "La operacio daŭris unu horon kaj 10 minutoj. Mi estis krieganta tiom pro la doloro, mi pensis, ke mi estis mortonta. Ili ligis miajn manojn kaj krurojn por malhelpi, ke mi moviĝu." Nordkoreio alfrontas kritikajn manĝaĵo-nesufiĉojn sekve de malsatego en la 1990aj jaroj kiu mortigis ĝis unu miliono da homoj kaj la lando grandskale dependas de internacia asisto. Fuŝa valutoretakso en 2009 subite preskaŭ duobligis la prezon de rizo, kaj neregistara organizaĵo citita en la raporto de Amnestio diris, ke miloj da homoj mortis pro malsato en januaro kaj februaro ĉi tiun jaron en unu provinco sole. Amnestio raportas, ke Nordkoreio ankoraŭ estas batalanta tuberkuloz-epidemion, kiu estas pligravigita de vasta nutromanko. "La Nordkoreanoj estas en kritika bezono de kuraca kaj nutraĵa asisto," deklaras la vicdirektoro de Amnestio Internacia por Azio-Pacifiko, Catherine Baber. "Estas kerna afero, ke helpo al Nordkoreio ne estu uzata kiel politika futbalo de donacantaj landoj." Politike la Nordo troviĝas en izolita situacio : ĝi retiriĝis el internaciaj intertraktoj pri sia polemika atoma programo. La embargo de la Unuiĝintaj Nacioj estis striktigita pasintjare post la atomaj kaj misilotestoj. Nordkoreio ankaŭ interrompis ĉiujn ligojn kun la najbarlando Sudkoreio sekve de la atako kontraŭ sudkorea militŝipo en marto, kiu lasis 46 maristojn mortintaj. Internaciaj enketistoj diras, ke nordkoreaj torpedoj sinkis la ŝipon, sed Pjongjango malakceptis ĉi tiun aserton. |
