|
Nordameriko -
Natura medio
|
  HAITIO - 14-an de januaro, 2010.
Terura fortega tertremo frapis la landon Haition lastan mardon 12-an de januaro. Haitiaj ŝtatoficistoj diras, ke la nombro de mortintoj de tiu tertremo, kiu atingis la fortecon 7.0 laŭ la skalo de Richter, povus superi 100 000. La landa ĉefurbo, Portoprinco, restas aktuale sen akvo nek elektro.
|
|
|
Nordameriko -
Natura medio
|
  GRONLANDO - 13-an de novembro, 2009.
La glacikovraĵo de Gronlando perdas sian amason pli rapide ol en antaŭaj jaroj kaj pliigas sian kontribuon al altiĝo de la marniveloj, esploro konfirmas. Eldonita en la revuo "Science", ĝi ankaŭ alportas al sciencistoj pli klaran vidon pri kial la glacitavolo estas kuntiriĝanta. La scienca teamo uzis veterdonitaĵojn, satelitajn legaĵojn kaj modelojn de konduto de glacikovraĵo por analizi la ĉiujaran perdon de 273 000 milionoj da tunoj da glacio.
|
|
Nordameriko -
Natura medio
|
  KANADO - GRONLANDO - 3-an de novembro, 2009.
Kanado kaj Gronlando interkonsentis pri serio da aranĝoj kiuj celas protekti dividitajn grupojn de blankaj ursoj kiuj vagas inter la teritorio de Nunavut kaj la grandega arkta insulo, respondeculoj anoncis . La kanada ministro pri Natura Medio Jim Prentice faris la anoncon dum pertelefona konferenco el Kangerluusuaq en Gronlando, kie li subskribis memorandon de kompreno lastan vendredon, kun la gronlanda ministro pri Fiŝkaptado, Ĉasado kaj Agrikulturo, Ane Hansen kaj la ministro pri Natura Medio de Nunavut, Daniel Shewchuk.
|
|
Nordameriko -
Natura medio
|
  MEKSIKO - 10-an de aprilo, 2009.
Respondeculoj en la meksika ĉefurbo fermas ĉefan dukton kiu provizas per trinkakvo milionojn da loĝantoj, ĉar rezervoj falis al rekorda malalta nivelo. La 36-horlonga fermo trafos kvin milionojn da homoj, tio estas kvaronon de la urba loĝantaro. Nekutime malalta pluvokvanto pasintjare kaj grava likado estas kulpigitaj pri la fakto, ke akvorezervujoj restas malpli ol duone plenaj.
|
|
Nordameriko -
Natura medio
|
  USONO - 23-an de marto, 2009.
La vulkano de la Monto Redoubt en la usona ŝtato Alasko erupciis, sendante nubojn de cindro 15 km ĉielen. La vulkano kiu troviĝas 166 km de la ŝtata ĉefurbo Anchorage, ekerupciis malfrue dimanĉon, kun tri pliaj eksplodoj frue lundon. La Alaska Observatorio pri Vulkanoj publikigis ruĝan alarmon, kiu signifas, ke la erupcio kun gravaj kvantoj da cindro estas tuj okazonta.
|
|
|
Pli multe da artikoloj...
|
<< Komenco < Antaŭa 1 2 3 Sekva > Fino >>
|
|
Paĝo 1 de 3 |
