KUBO - 15-an de junio, 2009.

KUBO - 12-an de aprilo, 2008.

Antaŭ nelonge anoncitaj agrikulturaj reformoj en Kubo povus esti la ekkomenco por pliaj ŝanĝoj, diras la ŝtata ĵurnalo. La oficiala ĵurnalo "Granma" ankaŭ bonvenigas la forigon de restriktoj en kelkaj sektoroj de la ekonomio. De nun estos pli facile por ŝtataj laboristoj posedi sian propran hejmon kaj transdoni ĝin al siaj infanoj. Salajraj limigoj estos ankaŭ forigitaj por permesi pli da laborinstigo.

USONO - 11-an de aprilo, 2008.

George Bush blokos la retiron de soldatoj el Irako.

La Usona prezidento George W. Bush diras, ke li blokos la retiron de la Usonaj soldatoj de Irako, kiel petite de la Usona pinta generalo en la lando. En komunikaĵo, la prezidento diris, ke la "redukto" de la nombro de trupoj daŭros ĝis julio laŭplane, kaj tamen la militistaro devos havi tempon por taksi la sekvontan paŝon. Sro Bush ankaŭ diris, ke "grava strategia ŝanĝo" okazis en Irako. Laŭ li la pasintaj 15 monatoj vidis militistan kaj politikan progreson, kaj li aldonis "hodiaŭ ni havas la iniciaton". Sro Bush ankaŭ diris, ke li tranĉos deĵorvicojn en Irako kaj Afganio de 15 al 12 monatoj, efikigante tiun mezuron ekde la 1-a de aŭgusto, kaj ke anoj de la armitaj fortoj havos rajton je unu jaro ĉe si por ĉiu jaro da servo eksterlande.

Teksasa sekta templo estis seksa templo.

Enketistoj traserĉantaj la templon de poligamisma sekto en Teksaso trovis liton uzita de viroj por seksumi kun iliaj subaĝaj "edzinoj", laŭ rivelo de tribunalo. Fraŭlinoj ne pli ol 13-jaraĝaj estis "spirite edzinigitaj" al pli malnovaj edzoj en la sekto, enketistoj diris. Pli ol 400 infanoj kaj 130 virinoj estas forigitaj de la konstruaĵaro ekde la 3-a de aprilo. La sektaj advokatoj provis limigi la serĉojn sed konsentis pri tio, ke la arĥivoj de la templo estu ekzamenataj sub kontrolado. Reprezentanto de la sekto devos kontroli, ke la veterinaraj dokumentoj, komputilaj dosieroj kaj familiaj Biblioj ne estu uzataj kiel indicoj por laŭleĝaj aŭ religiaj kialoj.

La konstruaĵaro apartenas al la "Fundamentalist Church of Jesus Christ of Latter Day Saints" (FLDS), eksaliĝinta filio de Mormonismo. La vasta ranĉo troviĝas proksimume 160 mejlojn (260 km) nordokcidente de la Teksasa urbo San Antonio kaj entenas grandajn loĝejojn, kuracan servon kaj templon. La sekta profeto estas Warren Jeffs, sinkonfesita poligamo kiu estis enprizonigita en Utaho pasintjare pro tio, ke li estis kunkrimulo en seksperforto de 14-jaraĝa fraŭlino kiu geedziĝis ŝian kuzon.

HAITIO - 10-an de aprilo, 2008.

Amasoj de manifestaciantoj en Haitio provis enŝtormiĝi en la palaco de la prezidento, en la ĉefurbo Port-au-Prince, dum protestoj pri manĝaĵoprezoj plu daŭras. Atestantoj diras, ke la protestantoj uzis metalajn ujojn por provi disrompi desupre la pordegon de la palaco, antaŭ ol trupoj de la Unuiĝintaj Nacioj pafis kaŭĉukajn kuglojn kaj larmigan gason por diserigi ilin.