La retadreso Esperanto.com, kiu longe estis posedata de usona privatulo, estis aĉetita de esperantistoj por nova, nuresperanta socia retejo. La nova retejo estas la dua provo krei esperantistan socian retejon, post Amikumu.com, kiu funkciis dum la jaro 2007 kaj tiam atingis proksimume 1.700 membrojn.
Slovaka versio de filmo "Esperanto estas..." kiel elstara dokumento akiris novan retejon. Ĝi do aldoniĝis al nemultaj lingvoj en kiuj tiuspeca retejo ekzistas. Sed filmo ekzistas en pli multaj lingvoj kaj tiuj meritas same sian propran retejon...
Naskiĝis dulingva humura retejo (en Esperanto kaj en la hispana). Eblas publikigi humuraĵojn (aŭ ŝercojn, spritaĵojn, ĉiajn humurajn tekstojn), komenti, voĉdoni, sendi ilin al aliaj retejoj (ankaŭ al klaku, se indas!), ktp.
La projekto “Verda Filmejo” estis lanĉita la 1-an de junio 2009. Ĝi enhavas kvindekon da filmoj subtekstigitaj en esperanto kaj unu dublita.
“Kin-Dza-Dza” estas komedia kaj profunde filozofia malutopia filmo, malfacile imagebla en sovetia Rusio.
La filmon dublis Andreo Grigorevskij. Estas publikigata kun interkonsento de dublisto.
La 8-an de decembro 2009 la aborigena trajbo loĝanta en la insula ŝtato Vanuatuo oficiale pardonpetis al posteuloj de la brita misiisto John Williams (1796-1839). Li envenis al la insulo Erromango en novembro 1839 kune kun sia parulo John Harris por konverti al kristanismo lokajn loĝantojn, sed ambaŭ estis mortigitaj kaj manĝitaj de tiuj.
Por partopreno en la ceremonio en Vanuatuo elveturis Charles Williams, 65-jara prapranepo de la misiisto kaj 17 liaj parencoj. Aborigenoj kredas, ke tiu rito forigos de ili la antaŭlongan malbenon.
Ĉi tiu okazo estas ne unua ekzemplo. En 2007 en la insulo Nov-Britio (Papuo-Nov-Gvineo) okazis solenaĵo dum kiu lokaj aborigenoj elaĉetis sian kulpon pri la murdo kaj formanĝo en 1878 de protestantaj misiistoj el Fiĝioj, elvenintaj en 1875. La pardonpetojn akceptis la oficiala reprezentanto de Fiĝioj.
VANUATUO - 09-an de decembro, 2009.