USONO - 09-an de marto, 2010.

Unu el niaj plej proksimaj primataj parencoj, la eta ĉimpanzo "bonobo", libervole dividas manĝaĵon, sciencista raporto anoncas. Ĉi tiu speco de donacema konduto estis antaŭe konsiderata kiel ekskluzive homa trajto. Sed scienca teamo efektivigis eksperimenton kiu rivelis, ke bonoboj plej probable preferas dividi sian manĝaĵon ol manĝi sole.

La esploro estas eldonita en la revuo "Current Biology" (Nuna Biologio).

Doktoro Brian Hare de la Universitato de Duke, en Usono kaj Suzy Kwetuenda de Lola y Bonobo, centro por orfiĝintaj bonoboj en la Demokrata Respubliko de Kongo, donis al malsata bonobo aliron al ĉambro kun kelkaj manĝaĵoj en ĝi.

Ĉi tiu ĉambro estis apuda al du aliaj ĉambroj, kiujn la besto facile povis vidi. Unu el ĉi tiuj ĉambroj estis malplena dum la alia enhavis alian bonobon. La malsata primato tiam povis elekti manĝi la manĝaĵon sole aŭ liberigi la pordon, forigi lignan kejlon kaj dividi sian manĝaĵon kun la alia bonobo.

La Doktoro Hare skribis en Current Biology : "Ni rimarkis, ke la bonobo preferis libervole malfermi la pordon kaj tiel dividi la tre dezirindan manĝaĵon kiun li povis facile manĝi sole." Scientistoj nun esperas malkovri kial la bonoboj ŝajne preferas dividi sian manĝaĵon.

Doktoro Hare diris, ke tio povus esti nur altruisma konduto. Aŭ pli malsindona sinteno povus esti ĉe la radiko de ĉi tiu konduto ĉar interŝanĝado povus esti rememorigita kaj servi kiel "interŝanĝmono" por estontaj favoroj.

La esploristoj esperas, ke ĉi tiu laboro ankaŭ povus verŝi lumon sur tion, kio kondukas homojn ankaŭ libervole interŝanĝadi.