Afriko : lasttempaj artikoloj
- Religiaj interbataloj en Niĝerio mortigas 500 homojn
- Togolando : Kontesto de rezulto en prezidentelekto
- Vidvino de ruanda eksprezidento arestita en Francio pro genocido
- Sudano subskribas pac-akordon pri Darfur
- Puĉo en Niĝero
- Gbagbo dissolvas registaron en Ebura Bordo
- Eble vakcino kontraŭ malario post 3 jaroj
- Ugando malpermesas organmutilon ĉe virinoj
- Ruando iĝas membro de Commonwealth of Nations
- Aĉetu surloke, Islamisma somalia grupo diras
La mondo en bildoj
| Klaku.net | Via demokratia amaskomunikilo |
|
| Ruando iĝas membro de Commonwealth of Nations |
 |
 |
| Afriko - Politiko |
  RUANDO - 30-an de novembro, 2009.La "Commonwealth of Nations", Brita Komunumo de Nacioj, ĵus agnoskis Ruandon kiel sian 54-an membroŝtaton. La afrika lando estis bonvenigita ĉe la kunveno de registrarestroj de la Brita Komunumo de Nacioj en Trinidado kaj Tobago, komunikaĵo de la grupo diris. Laŭ ruanda ministro, la decido montras, ke sia lando "treege antaŭeniris" dum la lastaj 15 jaroj.
 La eksa kolonio de Germanio kaj poste Belgio estas la dua lando akceptita en la Komunumo sen brita kolonia pasinteco aŭ konstitucia ligo al Britio. Mozambiko estas la sola alia membro de la Komunumo de Nacioj sen historiaj ligoj al Britio. Ĝi aliĝis al la organizaĵo antaŭ 14 jaroj. La ministrino pri Informado Louise Mushikiwabo, citita de la enreta eldono de la ruanda ĉiutaga gazeto New Times, deklaris, ke Ruando estas tre kontenta de la akcepto. "Mia registaro vidas ĉi tiun aliĝon kiel agnoskon de la treega progreso, kiun ĉi tiu lando faris en la lastaj 15 jaroj," ŝi diris. "Ruandanoj pretas kapti ekonomiajn, politikajn, kulturajn kaj aliajn ŝancojn proponatajn de la Komunumo." Raporto publikigita en julio de la Iniciato pri Homaj rajtoj de la Komunumo de Nacioj (CHRI) alvokis al Ruando pritrakti mankon de politika libereco kaj ĝenado de ĵurnalistoj antaŭ ol ĝi estos akceptita. Ĝi ankaŭ esprimis profundajn dubojn pri la stato de homaj rajtoj en la lando. "CHRI agnoskas, ke Ruando havas tion, kio ŝajnas esti bone meritata reputacio por registara efikeco, kaj la lando estas malpli koruptata ol kelkaj aliaj landoj, sed tiu malvasta korupto aperas negrava afero, kiam oni konsideras la implikiĝo de Ruando en la kontraŭleĝa ekonomio de la regiono," la raporto diris. Ruando esprimis sian deziron aliĝi al la "Commonwealth of Nations" en 2008, malgraŭ siaj gravaj historiaj ligoj kun francaparolantaj landoj. Rilatoj inter Francio kaj Ruando estas malbonegaj de multaj jaroj. Franca juĝisto implikis la ruandan prezidenton Paul Kagame en la ruanda genocido de 1994, akuzo kiun li malakceptis. La ruanda registaro akuzis Francion, ke ĝi subtenis la armitajn fortojn kiuj poste instigis la genocidon. Tamen hieraŭ Ruando kaj Francio reprenis siajn diplomatiajn rilatojn. La provo por aliĝi al la grupo estis aprobita de Britio, Aŭstralio, Kanado kaj Barato. Ĝi ankaŭ havis la subtenon de Ugando, Kenjo, Tanzanio, Sudafriko kaj la gastiganta lando Trinidado kaj Tobago, inter aliaj. Legu pli pri la Commonwealth of Nations |
