ARGENTINO - 15-an de junio, 2008.

Kultivistoj en Argentino deklaris sian kvaran strikon en kvar monatoj, kiu komenciĝas dimanĉon, por protesti kontraŭ impostaj altigoj de manĝaĵeksportoj. Argentino estas unu el plej gravaj eksportantoj de tritiko, sojfaboj kaj bovaĵo en la mondo. La kultivistoj precipe koleras pri la pliigo de la eksportimposto de sojfabo, kiu altiĝis 13 miliardojn da usonaj dolaroj en 2007.

Sabaton, Argentinaj kontraŭtumultaj policistoj disrompis vojon blokatan de protestantaj kamionistoj kaj kultivistoj sur ĉefa vojo apud la landlimo kun Urugvajo. Kontraŭtumultaj policistoj ankaŭ malblokis la Vojon 14, gravan vojon kiu ligas la landon kun Brazilo. Preskaŭ 20 protestantoj estis intertempe detenitaj, inter ili la gvidanto de la loka kultivista asocio, Alfredo de Angeli. Aliaj aŭtovojoj estis blokitaj de koleraj kamionistoj kies vivteno estas difektita de la daŭranta impostdisputo. La protesto de la kamionistoj kaŭzis karburaĵajn nesufiĉojn, kaj minacas nun manĝaĵrezervaĵojn en partoj de Argentino.