Sudameriko : lasttempaj artikoloj
- Polemika konstruo de akvobaraĵo en Brazilo
- Argentino laŭleĝigas samseksan edziĝon
- Projekto pri filtrado de Interreto kontestata en Venezuelo
- Alianculoj de Uribe venkas en balotado
- Nova ĉilia prezidento enoficiĝas dum nova tertremo
- Lingvo malaperas en Gujano
- Ĉilio trafita de fortega tertremo
- Argentino subtenata de najbaroj en disputo kun Britio
- Virino iĝas prezidento de Kostariko
- Evo Morales reelektita prezidento de Bolivio
La mondo en bildoj
| Klaku.net | Via demokratia amaskomunikilo - Submitted news |
|
| Evo Morales reelektita prezidento de Bolivio |
 |
 |
| Sudameriko - Politiko |
  BOLIVIO - 07-an de decembro, 2009.La prezidento Evo Morales postulas venkon en la bolivia prezidentelekto kaj plejcerte iĝos denove prezidento por dua kvinjara mandato. Postbalotaj sondoj sugestas, ke la unua indiĝena gvidanto de Bolivio ricevis almenaŭ 61% de voĉdonoj, kaj venkas kontraŭ siaj konservativaj rivaloj. Sro Morales, kiu devontigis sin vastigi ŝtatan regon super la ekonomio, diris, ke hodiaŭ estas sia devo "akceli la rapidecon de ŝanĝo". Antaŭa referendumo legitimis ŝanĝojn kiuj nun permesas al prezidentoj serĉi duan mandaton. Sro Morales, 50-jaraĝa, gajnis inter 61% kaj 63% de la voĉdonoj, tiel evitante eliminan balotadon, laŭ postbalotaj sondoj. Ili indikas, ke lia ĉefa rivalo Manfred Reyes Villo, siatempa guberniestro, ricevis proksimume 23%. La postbalotaj sondoj ankaŭ sugestas, ke la prezidento ekregos la Superan  Ĉambron de Kongreso ĝis nun tenita de la kontraŭstaro. Sro Morales diris, ke "Nun mi tenas du trionojn de la Kongreso, kaj nun estas mia devo akceli la rapidecon de ŝanĝoj". Oficialaj rezultoj estas atenditaj en la venontaj tagoj. Fremdaj observantoj laŭdis la balotadon por sia malkaŝemeco kaj justeco. Sro Morales tenas sian ĉefan subtenbazon inter malriĉaj indiĝenaj homoj kiuj konsistigas 65% de la loĝantaro, kontraste kun liaj kontestantoj. "Li ŝanĝas aferojn. Li helpas la malriĉulojn kaj konstruas aŭtovojojn kaj lernejojn," diras multaj voĉdonintoj al fremdaj reporteroj. Analizistoj diras, ke la venko por Sro Morales firmigos lian superregadon en la bolivia politiko kaj malfortigos la konservativan opozicion, kiu estas ligita al la komerca elito. Lia alia kontestanto estis Samuel Doria Medino, riĉa komercisto. Ambaŭ kontestantoj akuzis Sron Morales, ke li havas "totalismajn" ambiciojn por la lando, kaj ke li responsas pri la leviĝo de kokainproduktado. Sro Morales diris al amasoj ĉe lia fina elektokampanja amaskunveno : "Estas du vojoj: daŭra ŝanĝo aŭ reveno al la pasinteco." |
