|
Sudameriko -
Politiko
|
  URUGVAJO - 30-an de novembro, 2009.
La iama maldekstrisma batalinto, kiu pasigis preskaŭ 15 jarojn da enprizonigo dum la militista regado ŝajne gajnis la prezidentelektojn. Fidindaj postbalotaj sondoj donas al José Mujica, 74-jara, iom pli ol 50% de la voĉdonoj en elimina balotado. Lia ĉefa rivalo kaj siatempa prezidento Luis Alberto Lacalle cedis.
 Sro Mujica sukcedas al populara ŝtatestro, Tabaré Vázquez, kiu estis reganta dum la lastaj kvin jaroj kiel urugvaja unua maldekstrisma prezidento. Per sia balotada venko, Sro Mujica kompletigis sian transformon de maldekstrrema ribelulo al serioza ŝtatisto. N ekonformisto, kiu vivas ŝpareman vivon kaj ŝatas ĝardenadon, la elekto de Sro Mujica estas konsiderata kiel esprimon de la deziro por maldekstrisma kontinueco. Sro Lacalle estis konservativa siatempa prezidento kies administro estis katenita en korupto.
Dum militista regado antaŭ 1985, Sro Mujica pasigis multajn jarojn en prizono. Li estis ofte tenadita en severaj kondiĉoj, kaj pasigis du jarojn enprizonigita en puto ! Sed Sro Mujica agnoskas, ke tiuj jaroj da malliberigo igis lin pripensi kaj li decidis forlasi armitan lukton. Li male provis starigi politikan interkonsentiĝon, sukcese alportis la movadon " Tupamaro" en la regantan Koalicio Larĝa Fronto. |
