Serĉi en la retejo
Sudameriko : lasttempaj artikoloj
- Babela Turo farita per libroj inaŭguriĝis en Bonaero
- Jura venko por Mapuĉoj de Argentino
- Rusio konstruos atomcentralon en Venezuelo
- Ekvadoro : minaco al demokratio ?
- Sklavoj savitaj en Brazilo
- Guinness-libro por la plej eta viro en la mondo
- Polemika konstruo de akvobaraĵo en Brazilo
- Argentino laŭleĝigas samseksan edziĝon
- Projekto pri filtrado de Interreto kontestata en Venezuelo
- Alianculoj de Uribe venkas en balotado
Vizitu nian paĝon en Facebook Plej popularaj artikoloj
2 - Babela turo farita de libroj inaŭguriĝis en Bonaero
3 - Mallonge el Eŭropo
4 - La post-atoma epoko
5 - Baloto en Kanado : Konservativuloj gajnas
| Klaku.net | Via demokratia amaskomunikilo en Esperanto - Submitted news |
|
| Argentino repagas siajn ŝuldojn |
 |
| Sudameriko - Ekonomiko |
 ARGENTINO - 3-an de septembro, 2008.Argentino promesas repagi la tutan sumon da 6,7 miliardoj da dolaroj kiu restas kiel ŝuldo ankoraŭ ne pagata al fremdaj registaroj post la ekonomia krizo de 2001-2002. La prezidentino Cristina Fernández diris, ke Argentino uzos proksimume sesonon de la naciaj rezervoj por pagi la ŝuldon.  Argentino ne repagis 95 miliardojn da usonaj dolaroj da obligacioj en 2001, rekorda kvanto tiutempe. La decido repagi la sumon al membroj de la "Pariza Klubo" de investantoj estas pozitive konsiderata de analizistoj kiuj diris, ke tio igos investojn en Argentino pli allogaj. "Estas pozitive pro tio, ke tio montras bonvolemon de Argentino pagi," diris Kristana Reos, analizistino ĉe kurtaĝa firmao Allaria Ledesma. Li aldonis, ke tiu decido "povus malfermi financadon ĉe pli bonaj interezprocentoj por argentinaj firmaoj". La antaŭulo de la prezidentino Fernández, Nestor Kirchner, jam restrukturis la plimulton de la ŝuldo, kaj repagis monon depruntita de la Internacia Monfonduso. Sed la ŝuldo al la Pariza Klubo restis nepagita. La Pariza Klubo reprezentas la riĉajn naciojn kiuj pruntedonas monon rekte de registaro al registaro por la plej malriĉaj landoj. La Klubo inkluzivas Brition, Germanion, Usonon, Japanion, Francion kaj Aŭstralion. Argentino jam solvis siajn ŝuldojn kun privatsektoraj kreditoroj, kiuj ricevis multe malpli ol la veran valoron de siaj ŝuldoj. Ekde la krizo, la argentina ekonomio plifortiĝis, sed inflacio restas kreskanta zorgo. |
