EKVADORO / VENEZUELO - 17-an de julio, 2008.

Rafael Correa, la ekvadora prezidento, kaj Hugo Chávez, lia venezuela kolego, interkonsentis konstrui la plej grandan petrolrafinejon en la sudamerika kontinento ĉe marbordo. La rafinejo anoncita lastan mardon de la du ŝtatestroj estas konstruota en El Aromo, 250 km de Kito, la ekvadora ĉefurbo, kaj devus esti preta en 2013.

"Anstataŭ uzi rafinejojn en Usono, ni decidas starigi ilin ĉi tie en nia geopolitika kunteksto," Chávez diris. Chávez esperas dekroĉi la venezuelan krudan petrolon for de Usono, kie Venezuelo aktuale administras sep rafinejojn. Correa diris, ke la komuna projekto, kiu kostos 6,6 miliardojn da usonaj dolaroj al ŝtataj petrolofirmaoj de ambaŭ landoj permetos al Ekvadoro savi 3 miliardojn da dolaroj de petrolimportaĵoj ĉiujare. Venezuelo kaj Ekvadoro estas la solaj latinamerikaj membroj de la OPEL (Organizaĵo de Petrol-Eksportaj Landoj).

Hugo Chávez diris, ke li intencas konstrui aliajn rafinejojn en Brazilo kaj Nikaragvo. "Ĉio troviĝas en Usono; jen kio estas la imperio kaj koloniismo." Li aldonis, ke sia celo estas provizi "energian sekurecon interŝanĝe por la tuta homoj en la sudamerika kontinento." Li ankaŭ proponis la konstruon de komuna ŝtalofabrikejo en Ekvadoro kaj helpo por plibonigi ties telefonservoj. Correa diris, ke la planoj de Chávez ne estas instigitaj de "intereso" aŭ deziro nenecese sin trudi en najbarajn aferojn, sed de sento de solidareco kaj lia kredo je la "Latinamerika Unio".