/ NOV-ZELANDO - 29-an de junio, 2008.

Estas historia subskribo : sep maoriaj triboj subskribis, merkredon 25-an de junio, traktaton per kiu la novzelanda registaro proponas al ili teritorian kompenson kiel riparon de agoj de perforto faritaj de la Eŭropanoj dum la koloniiĝo de la lando, en la 19-a jarcento. Ĉi tiu interkonsento respondas al postuloj de la aŭtoktonaj loĝantoj de pli ol unu jarcento.

Ĉi tiu interkonsento koncernas pli ol 100 000 Maorioj, el kiuj kelkcentoj venis al la Parlamento de Wellington por la okazaĵo. Ĝi translokigas al ili la proprieton de proksimume 176 000 hektaroj da arbaro kiuj ĝis nun apartenis al la nacia registaro, por valoro de proksimume 204 milionoj da eŭroj. "Ni spertas historian momenton", diris Helen Clark, ĉefministrino de Nov-Zelando, dum la ceremonio de subskribo.

Michael Cullen, respondeculo por la intertraktadoj, ĝojas ke ĉi tiuj arbaroj "povas fine esti utilaj al la lokaj Maorioj". Bedaŭrante, ke "Nov-Zelando estas negrava nacio ĉar ĝi ne povas respondi al siaj devoj por tiel multe da generacioj de maorioj", li deklaris tamen, ke "ne ĉio perdiĝis. " Tumu Te Heuheu, ĉefa gvidanto de Maorioj, klarigis, ke sia objektivo estas transdoni al la junaj personoj kaj ankaŭ la estontaj generacioj "fortan kaj daŭrantan ekonomion". "Tio estas la heredaĵo kiun ni lasas al ili", li aldonis.

Legu ankaŭ pri la sama temo :

• "Aborigenoj minacas fermi Ayers Rock" (21/06/2008)
• "Kanado pardonpetas al indiĝenaj popoloj" (12/06/2008)
• "Aŭstralia registaro pardonpetas" (30/01/2008)