Serĉi en la retejo
Pacifiko : lasttempaj artikoloj
- Ruiniga tertremo en novzelanda Christchurch
- Nov-Zelandon frapas forta tertremo
- Aŭstralio revizios siajn cunamo-atentigojn
- Posteuloj de kanibaloj pardonpetas
- Gigantaj glacimontoj alproksimiĝas al Nov-Zelando
- Aŭstralio pardonpetas al "forgesitaj infanoj"
- Palaŭo : pioniro de ŝarkorifuĝejo
- Impresaj polvoŝtormoj super Aŭstralio
- Aŭstralio : Polemika debato pri civitaneco
- Delfeno ne volas halti ludon !
Vizitu nian paĝon en Facebook Plej popularaj artikoloj
2 - Babela turo farita de libroj inaŭguriĝis en Bonaero
3 - Mallonge el Eŭropo
4 - La post-atoma epoko
5 - Baloto en Kanado : Konservativuloj gajnas
| Klaku.net | Via demokratia amaskomunikilo en Esperanto - Submitted news |
|
| Kiel savi la diablon... |
 |
| Pacifiko - Sciencoj |
 AŬSTRALIO - 7-an de novembro, 2008.Tasmania diablo nomata Cedric reprezentas la plej bonan esperon de sia specio kontraŭ mortiga malsano. La trijara marsupiulo rezistis infekton injektita kun la mortiga Diabla Malsano de Vizaĝa Tumoro (DMVT), sciencistoj raportis hieraŭ. Sed ĝia duonfrato, Clinky, ne estis tre bonsorta. Al ambaŭ bestoj oni injektis la mortigajn DFTD-ĉelojn pasintjare kaj poste devis ili vivi kun DFTD-tumoraj ĉeloj.  Cedric montris imunan respondon, kiu protektis ĝin kontraŭ la tumoro, dum Clinky montris neniun imunan respondon kaj evoluigis tumoron. Esploristoj de la Universitato de la Tasmania Esplorinstituto Menzies hieraŭ rivelis aĵon en la genetika konsisto de Cedric kiu ĝin imunigas kontraŭ la malsano. "Ni estas 90% certaj, ke Cedric estas rezistpova kontraŭ la malsano, sed, kiel en ĉiuj sciencoj, ni povas neniam havi tute definitivan opinion," la vicprofesoro pri Kancero kaj Imunologio, Greg Woods rakontis. "Eĉ se ĉi tiu evoluado ne reprezentas resanigon, estas tamen unu el la plej gravaj sciencaj rezultoj ekde la kontaĝa kancero estis unue registrita sur la nordorienta marbordo de Tasmanio antaŭ 12 jaroj, kaj tio estas rekta rezulto de la kunlabora peno tra la programo "Savu la Tasmanian Diablon." Profesoro Woods diris, ke la genoj de Cedric povus enteni la indicon kial ĝi povas batali la malsanon. "El niaj lastaj traserĉoj, ni povas konkludi, ke eblas igi kelkajn diablojn rezistaj kontraŭ DMVT per vakcinado, kaj ni esperas, ke iuj diabloj estos nature pli rezistaj, ĉar estas pli granda genetika diverseco en la okcidento," li diris. Pliaj financoj necesas por certigi la esplorojn pri la malsano, li diris. La Tasmania Diablo estis pasintsemajne deklarita endanĝerigita specio de la ŝtata registaro. La DMVT laŭ taksoj mortigis pli ol 50 procentoj de diabloj en la sovaĝa vivo, kaj ĝi estas trovita en 60 procentoj de la diabloj en la ŝtato Tasmanio. Legu pli pri la Tasmania Diablo (anglalingve) ĉe Vikipedio |
