FRANCA POLINEZIO - 26-an de februaro, 2008.

Ceremonio estas tenata en Tahitio en Franca Polinezio, por marki la elekton de Gaston Flosse kiel prezidento. Estas la kvara fojo, kiam li havas tiun pozicion en la lastaj 25 jaroj. Sro Flosse longtempe aprobis ampleksan memstarecon por la sudpacifika insularo anstataŭ sendependeco de Francio. Parizo okazigis antaŭenigitajn balotadojn, provante ĉesigi la lastatempan politikan malstabilecon sur la insuloj, kaj la elekto de Sro Flosse kiel prezidento estis granda surprizo.

Lia partio venis triavice en naciaj balotadoj, kaj je la aĝo de 76 jaroj la veterana gvidanto kaj amiko de Francio ŝajne perdis parton de sia politika influo.

Sed rimarkinda alianco - inter kampanjantoj por sendependeco kaj tiuj, kiuj kredas, ke Tahitio kaj la cetera insularo restu Francaj - sekurigis al Sro Flosse alian mandaton kiel prezidenton. Ĉi tiu miriga interkonsento malheplis la venkon de GastonTong Song, etna Ĉina politikisto. Li - kiel lia eksa mentoro Gaston Flosse - subtenas Francion sed havas tro da malamikoj. "La plejmulto de la Tahitia loĝantaro volas konservi ligilojn kun Francio kaj memstareco estas por ili la sola realigebla elekto," leĝprofesoro Yves-Louis Sage, de la Universitato de Franca Polinezio diras. "Sendependeco eble ne okazos antaŭ 20 aŭ 30 jaroj, sed estas pli urĝa zorgo por la loĝantaro. Ili deziras pli da stabileco."

La franca registaro zorgas pri la publika ordo kaj la juĝa sistemo en Franca Polinezio sed memstaraj lokaj respondeculoj administras aliajn aferojn inter alie edukadon kaj financjon. Estis antaŭ kelkaj jaroj grava antagonismo kun Parizo pri la nukleaj elprovoj.