Serĉi en la retejo
Pacifiko : lasttempaj artikoloj
- Ruiniga tertremo en novzelanda Christchurch
- Nov-Zelandon frapas forta tertremo
- Aŭstralio revizios siajn cunamo-atentigojn
- Posteuloj de kanibaloj pardonpetas
- Gigantaj glacimontoj alproksimiĝas al Nov-Zelando
- Aŭstralio pardonpetas al "forgesitaj infanoj"
- Palaŭo : pioniro de ŝarkorifuĝejo
- Impresaj polvoŝtormoj super Aŭstralio
- Aŭstralio : Polemika debato pri civitaneco
- Delfeno ne volas halti ludon !
Vizitu nian paĝon en Facebook Plej popularaj artikoloj
Majo 2011
1 - Kosmosondiloj Voyager forlasos la sunsistemon en 20162 - Babela turo farita de libroj inaŭguriĝis en Bonaero
3 - Mallonge el Eŭropo
4 - La post-atoma epoko
5 - Baloto en Kanado : Konservativuloj gajnas
| Klaku.net | Via demokratia amaskomunikilo en Esperanto - Submitted news |
|
| Opozicio voĉdone venkas en Nov-Zelando |
 |
| Pacifiko - Politiko |
  NOV-ZELANDO - 8-an de novembro, 2008.La novzelanda ĉefministrino Helen Clark agnoskas sian malvenkon en nacia balotado kaj diras, ke ŝi eksiĝos kiel gvidanto de la Laborista Partio. La dekstracentra opozicia Nacia Partio de John Key gajnis 45% de la voĉdonoj, kontraŭ 34% por la Laborista Partio, laŭ unuaj rezultoj. Balotadaj respondeculoj diras, ke ĉi tiu rezulto donas al la Nacia Partio 59 seĝojn, ĝi do apenaŭ ne atingas la 61 bezonatajn seĝojn por havi plimulton en parlamento. La konservativa gajno metas finon al naŭ jaroj da regado por Helen Clark kaj la Laborista Partio. La Nacia Partio eble volos kunlabori kun la Maoria Partio por formi registaron, analizistoj diras. Laŭ oficialaj ciferoj, John Key kaj sia Nacia Partio gajnos 59 seĝojn, la Laborista Partio 43 kaj iliaj alianculoj la Verduloj, kun 6% de la voĉdonoj, 8 seĝojn, en la nacia 120-seĝa parlamento.  "Mia tasko kiel gvidanto de la Laborista Partio nun finiĝas. Mi eksiĝos kaj mi atendos, ke miaj kolegoj de la Laborista Partio elektu novan gvidanton antaŭ Kristnasko," Helen Clark deklaris al reporteroj. La landa ekonomia regreso minace alproksimiĝis dum la kampanjo. Sed malmultaj gravaj politikaj ŝanĝoj estas atenditaj post kiam la nova registaro eklaboros, analizistoj diras, dum regas timoj, ke la tutmonda kreditkrizo frapos Nov-Zelandon forte. Tri milionoj da homoj estis registritaj por voĉdone elekti. Tio estas rekorda nombro por la lando, kaj fruaj raportoj sugestas, ke la nombro de voĉdonintoj estas alta. John Key, ege riĉa eksa valutnegocisto, provis profiti je la emo al ŝanĝo vidita en Usono, kun la elekto de Barack Obama kiel prezidento ĉi tiun semajnon. Li insistis pri tio, ke Novzelandanoj havis superfortan deziron por ŝanĝo. Ekde la lando enkondukis laŭproporcian voĉdonadon en 1996, neniu el la grandaj partioj gajnis tutan plimulton kaj ili ĉiam devis kalkuli je la subteno de negravaj partioj. Dum la Nacia Partio povas ricevi alianculojn centre kaj dekstre, ĝi eble devos serĉi la subtenon de la Maoria Partio, kiu laŭatendate povos reteni siajn kvar seĝojn en parlamento. Inter Maoriaj postuloj estas la nuligo de leĝo malhelpanta al Maorioj aserti siajn rajtojn sur marteritorioj kaj marfundoj, kaj pli granda kontrolo de registara elspezado por indiĝenaj programoj cele al malhelpo de malŝparo. "Ni decidos tute surbaze de tio, kion ni povas fari por la antaŭeniro de nia popolo," diris la Maoria partiestrino Tariana Turia. Interkonsento, ŝi aldonis, "havos koston". Sro Key diris, ke li serĉos interkonsenton kun la Maoria Partio, malgraŭ tio, ke sia partio "diametre kontraŭas" ĝian politikon. |
