MEKSIKO - 10-an de aprilo, 2009.

Respondeculoj en la meksika ĉefurbo fermas ĉefan dukton kiu provizas per trinkakvo milionojn da loĝantoj, ĉar rezervoj falis al rekorda malalta nivelo. La 36-horlonga fermo trafos kvin milionojn da homoj, tio estas kvaronon de la urba loĝantaro. Nekutime malalta pluvokvanto pasintjare kaj grava likado estas kulpigitaj pri la fakto, ke akvorezervujoj restas malpli ol duone plenaj.

Centoj da akvokamionoj estas sendataj en la lokojn plej severe trafitaj de la interrompo. La municipa administracio diras, ke ĝi efektivigos urĝajn riparojn al la reto de akvoprovizo. Pli ol 50% de la akvo portata de la dukto likas antaŭ ol ĝi atingas sian cellokon. Ĉi tiu estas la tria fojo kiam la ĉefurbo alfrontas tian vastegan formon de akvoporciigo ĉi tiun jaron. La interrompo de akvoprovizo estis intence tempomezurita, por koincidi kun la Paska semajnfino, kiam multaj loĝantoj, aŭ almenaŭ tiuj, kiuj povas pagi la koston, forlasas la urbon. Meksikurbo estis urbo iam konstruita sur eksterordinara aro de vulkanaj lagoj, kaj inundiĝo iam estis ĝia ĉefa ekologia minaco. Sed ekde la lagoj estis fine elĉerpitaj en la 1960-aj jaroj, la urbo baraktas pri sia akvo provizo...