KUBO - 12-an de aprilo, 2008.

Antaŭ nelonge anoncitaj agrikulturaj reformoj en Kubo povus esti la ekkomenco por pliaj ŝanĝoj, diras la ŝtata ĵurnalo. La oficiala ĵurnalo "Granma" ankaŭ bonvenigas la forigon de restriktoj en kelkaj sektoroj de la ekonomio. De nun estos pli facile por ŝtataj laboristoj posedi sian propran hejmon kaj transdoni ĝin al siaj infanoj. Salajraj limigoj estos ankaŭ forigitaj por permesi pli da laborinstigo.

Raúl Castro enkondukis serion da reformoj ekde li instaliĝis kiel la nova prezidento post sia frato Fidel en februaro. Inter tiuj reformoj estas la forigo de restriktoj pri la aĉeto de elektraj varoj kiel poŝtelefonoj, mikroondaj fornoj kaj DVD-iloj. La ŝtato ankaŭ levis malpermeson por la Kubanoj restadi en hoteloj antaŭe rezervitaj por fremduloj, mezuro kiu nun estas oficiale agnoskita en la lasta eldono de Granma. La reformoj pri loĝigo plejparte trafos homojn kiuj riskas perdi sian ŝtatan loĝlokon kiam ili emeritiĝas. Tiuj inkluzivas militistajn familiojn, laboristojn en la sektoroj de sukerproduktado kaj konstruado, kuracistojn kaj instruistojn.

Laŭ registaraj ciferoj, proksimume 85% de Kubanoj jam havas laŭleĝan posedrajton de ilia hejmo. Aĉeti kaj vendi nemoveblaĵojn ankoraŭ estas malpermesitaj, tamen, unu el la plej grandaj reformoj trafas agrikulturon, kiu permesas al kultivistoj pli ampleksan decidon pri kiel uzi ilian grundon, kiajn plantojn kultivi kaj provizojn aĉeti. Neuzata ŝtata lando nun estas transdonata al privataj kultivistoj kiel parto de penoj por pliigi agrikulturan produktadon. Kultivistoj ankaŭ ricevas pli da mono de la registaro por la produktoj kiel terpomoj. La oficiala ĵurnalo diras, ke la reformoj estis iniciatitaj de Fidel Castro kaj vastigitaj de Raúl kun kontribuaĵoj de milionoj da Kubanoj cele al plibonigi socialismon. Sed en aparta artikolo, Fidel Castro kritikas la homojn kiuj laŭ li "adoras malsindonemon kaj egoismon". Parolante pri raporto pri riĉecaj malegalecoj en Rumanio, eksa komunista lando, li avertas pri la danĝeroj de facila aliro al hejmaj varoj.