USONO - 6-an de aprilo, 2005.

La fama aktoro Charlton Heston, kiu gajnis la Oscar-premion de la plej bona aktoro por la rolo en la Holivuda epopeo Ben-Hur, mortas je la aĝo de 84. Heston dum sia kariero ankaŭ portretis multajn heroajn figurojn en eksterordinaraj filmoj de la jaroj 1950 kaj 1960. Lastan jaron, li rivelis, ke li havis simptomojn de la malsano de Alzheimer. Kvankam poste identigita kun la tradicia konservativa kaŭzo, Charlton Heston estis laŭta subtenanto de Martin Luther King kaj la movado de Civitanaj Rajtoj en la jaroj 1960.

Microsoft lasas al Yahoo trisemajnan templimon por respondi al sia propono aĉeti la plenan proprieton de la Interreta kompanio. Microsoft faris nepetitan oferton je la 31-a de januaro, sed la Yahoo-a estraro malakceptis ĝin konsiderante, ke la oferto multe malgrandigis la veran valoron de la kompanio. Yahoo esploris aliancojn kun aliaj firmaoj, sed neniu propono estis farita. Pasintmonate, Yahoo taksis, ke ĝi preskaŭ duobligos siajn funkciadospezojn dum la venontaj tri jaroj kaj produktos 8,8 miliardojn da Usonaj dolaroj de enspezoj en 2010.

La Usona prezidento George W. Bush kaj la Rusa prezidento Vladimir Putin subskribis kadrokonvencion sed diris, ke ili neniel progresis pri siaj malkonsentoj. Sro Putin diris, ke Rusio daŭre kontraŭas la Usonajn kontraŭmisilajn planojn en Eŭropo, sed estas "pozitivaj disvolviĝoj". Sro Bush diris siaflanke, ke estas ankoraŭ laboro por fari, por persvadi Moskvon, ke la sistemo ne celas Rusion. Ilia adiaŭa renkontiĝo, en la Rusa feriejo de Soĉi ĉe la Nigra Maro, okazis unu monaton antaŭ ol Sro Putin eloficiĝos. La Rusa instalota prezidento Dmitry Medvedev ankaŭ renkontis Sron Bush, kaj anoncis sian esperon daŭri la progresojn de la Rusaj - Usonaj rilatoj.