KUBO - 15-an de junio, 2009.

Pli malpli la historio de D-rino Hilda Molina estas tre internacie konata. Ŝi, kiel ŝiaj gepatroj kaj edzo estis fidelaj sekvantoj de la kuba revolucio kondukita ekde la jaro 1958 de Fidel Castro. Ŝi ricevis specialajn stipendiojn por studi kaj fariĝis unu el la plej gravaj esploristoj de la nova kuba socia medicino. En la jaro 1994, ŝi malamikiĝis kun la registara sistemo kaj estis forigita el ĉiuj postenoj, tamen ĉar ŝi posedis sekretojn kaj protokolojn de la registaro, do oni ne permesis al ŝi foriri el la insulo. Nun, ŝi foriris, kaj estas en Argentino kaj tamen post kelkaj monatoj revenos al Kubo.

Antaŭ ĵurnalistoj, ŝi deklaris, ke ŝi esta tre feliĉa kaj dankema al ĉiuj kiuj helpis ŝin foriri por viziti sian filon kaj nepojn for el Kubo.

Tamen ŝi firme deklaris, ke ŝi  ne malamas Fidel Castro-n aŭ la socio-komunistan registaron, ĉar ŝi estas profunde religia kaj katolika, kaj komprenas la homajn erarojn. Ŝi esperas reveni por helpi al kubana popolo en la venontaj ŝanĝoj: ĉar Kubo havas mesaĝon de amo kaj solidareco por doni al aliaj popoloj de la mondo...

Artikolo proponita al ni de UnuelAr