3 500 antaŭlonge perditaj bildoj kaptitaj de la fama militfotisto Robert Capa estas retrovitaj de la Internacia Centro pri Fotografio (ICF) en NovJorko. Detenataj for de la publika okulo en Meksikio, la fotojn de la Hispana Civila Milito oni konsideris perditaj. La fotoj de la Hispana Civila Milito "formas la bazon por reprezenti modernan militon," diras Wallis, estro de la Internacia Centro pri Fotografio, kiu konsideras Capa "unu el la plej gravaj militfotistoj de la 20a jarcento."

Ankoraŭ nesciate, tamen, estas ĉu la fama foto de 1936 "La Falinta Soldato," kiu montras Respublikanan soldaton ĉe la momento kiam kuglo trafas lin, estas inter tiuj en la tri valizoj, fermataj per nigra bendo kaj konataj kolektive kiel la "Meksikia valizo." Restantaj demandoj pri tio, ĉu la bildo jam estis piblikigitaj povus esti responditaj pristudante la negativojn, kiuj estas laŭdire en tre bona kondiĉo. "Ni ĵus ekkomencis studi ilin" Wallis diras. "Sed la sinsekvo ŝajne komenciĝas en 1937, tial ni tute ne scias." Wallis ankaŭ aldonis, ke "dum la negativoj inkluzivas multajn konatajn bildojn, tamen estas multaj tie kiuj estas novaj." Post katalogado kaj observado de la bildoj, la Centro intencas poŝti ilin sur sian retejon, kun ekspoziciolibro.

Capa, ankaŭ fama pro liaj fotoj pri la Dua Mondmilito, mortis en 1954 en Vjetnamio.