Serĉi en la retejo
Nordameriko : lasttempaj artikoloj
- Usona indiana tribo leĝigas samsekseman geedziĝon
- Estro de la IMF arestita
- Baloto en Kanado: Konservativuloj gajnas, Harper restas
- Perdiĝo de interpreto de la realo...
- Eksa prezidento Aristide revenas al sia lando
- Lasta spaca vojaĝo por Discovery
- Naftopoluo pli grava ol anoncite en Meksika Golfo
- Mortis la aktoro Tony Curtis
- La usonaj prezidantoj pasas, Goldman Sachs restas
- Meksiko festas 200-an datrevenon
Vizitu nian paĝon en Facebook Plej popularaj artikoloj
Majo 2011
1 - Kosmosondiloj Voyager forlasos la sunsistemon en 20162 - Babela turo farita de libroj inaŭguriĝis en Bonaero
3 - Mallonge el Eŭropo
4 - La post-atoma epoko
5 - Baloto en Kanado : Konservativuloj gajnas
| Klaku.net | Via demokratia amaskomunikilo en Esperanto - Submitted news |
|
| Usonano gajnas Nobel-premion pri Ekonomiko |
 |
| Nordameriko - Ekonomiko |
 SVEDIO /  USONO - 14-an de oktobro, 2008.La usona Profesoro Paul Krugman gajnis la ĉijaran Nobel-premion pri ekonomiko. La Reĝa Sveda Scienca Akademio diris, ke la premio rekompensas lian analizon de komercaj skemoj kaj kie ekonomia agado okazas. La Akademio diris, ke Profesoro Krugman, 55-jaraĝa, kiu instruas ĉe la fama Universitato Princeton, formulis novajn teoriojn, kiuj alrespondas demandojn pri libera komerco kaj tutmondiĝo. La Profesoro Krugman en sia deklaro esperis, ke la premio de 1,4 miliono da dolaroj gajnita ne ŝanĝos sian vivon multe. "La premio plibonigos videblecon sed mi esperas, ke ĝi ne igos min iri al multaj festaj eventoj, krom la Nobel prezento mem," li diris. Profesoro Krugman lekcias en ekonomiko kaj internaciaj aferoj ĉe Princeton Universitato en Usono, kaj ankaŭ skribas regule artikolojn por la gazeto New York Times. Li estas delonge furioza kritikanto de la usona prezidento George W. Bush kaj ties administro, argumentante, ke la ekonomia politiko de la registaro Bush helpis inciti la aktualan financan krizon. La Nobel-ĵurintaro diris, ke la verkaro de Profesoro Krugman enkondukis teoriojn kiuj povus helpi klarigi la efikojn de libera komerco kaj tutmondiĝo kaj la aganta forto kiu antaŭenigas tutmondan urbanizadon. "Li kunigis la antaŭe malsamajn esplorajn kampojn de la internacia komerco kaj ekonomia geografio," la Akademio diris en sia laŭda citaĵo. La scienca alproksimiĝo de la Profesoro Krugman baziĝas sur la koncepto nomata "ekonomio de skalo" laŭ kiu multaj varoj kaj servoj povas esti produktitaj ĉe malpli granda kosto en longa serio. Liaj esploroj montris la efikojn de tio sur komercaj skemoj. Parolante post la anonco de la premio, Profesoro Krugman donis sian verdikton pri aktualaj penoj haltigi la tutmondan financan disfalon, kaj deklaris : "Mi estas iom malpli terurita hodiaŭ ol mi estis vendredon. Ni estas aktuale atestantoj de krizo kio estas tiel severa kiel la krizo kiu frapis Azion en la 90-aj jaroj. Ĉi tiu krizo portas iun similecon al la Granda Depresio," li diris. La premio donata al la Profesoro Krugman estas la fina de ses Nobel-premioj por la jaro 2008. Ĝi ne kalkulas inter la originalaj Nobel-premioj, estinte kreita en 1968 de la Sveda Centra Banko memore de Alfred Nobel. |
