USONO - 29-an de aprilo, 2008.

La registaro de la prezidento Bush asertis en la Usona Kongreso, ke la agentoj de Usona informservo povus, por lukti kontraŭ terorismo, uzi metodojn de transekzameno malpermesataj de la internacia juro. La ministerio pri Justico sendis leterojn al la Kongresanoj laŭ kiuj la kontraŭekzameno povus varii laŭ la detenata individuo, raportis la New York Times kaj Washington Post.

Tio estas nova jura interpreto de la Konvencio de Ĝenevo, kiu regas la trakton de militkaptitoj.

"Ago, kiu permesus eviti atencon, kaj kiu ne intencas humiligi aŭ fitrakti la pridemantaton, estus permesebla por racia observanto kiu respondecus pri mezuro de la grado de ofendo" atentigas en letero de la 5-a de marto la ministro pri Justico, Brian Benczkowski, citita de la gazeto New York Times. Tamen la teksto atentigas, ke la registaro de la prezidento Bush ne difinis kiun metodon de kontraŭekzameno povus esti uzita.

La prezidento George W. Bush malaprobis en marto tekston kiu efektive malpermesus al la informservo CIA uzi metodojn de kontraŭekzameno kiuj similus al turmento kaj torturo, kiel ekzemple la ŝajndronigo. La Kongreso, kie la Demokratoj havas plimulton, aprobis en februaro tekston pri financado, kiu inter alie devigas la sekretajn servojn konformiĝi al la reguloj de kontraŭekzameno trudataj al militistoj.