SIRIO - 28-an de julio, 2011.


Proksimume 3 000 personoj jam malaperis en Sirio ekde la komenco de la protestoj kontraŭ la reĝimo de Baŝar al-Assad, anoncis ĵaŭdon la neregistara organizaĵo Avaz.

Kiel deklaris Avaz, oni nenion plu scias pri 2918 Sirianoj kiuj estis arestitaj la 15an de marto. La organizaĵo anoncis la lanĉon de publikaj kampanjoj por ilia liberiĝo.

Avaz aldonis, ke ĝi faris liston de la malaperintoj kaj ke lastan semajnon estis arestitaj pli ol 1000 personoj, ĉar "la reĝimo rapide provas mildigi la protestojn antaŭ la komenco de la Ramadano", proksiman semajnon.

La neregistara organizaĵo baldaŭ malfermos retejon kun fotoj kaj mallonga priskribo de ĉiu persono malaperinta kiu estos regule ĝisdatigita.

Aldonite estas, ke laŭ informoj, ekde la komenco de la protesto mortis 1634 personoj, 26 000 estis arestitaj. Avaz mencias, ke ĝi kunlaboras kun du siriaj organizaĵoj pri homaj rajtoj pri la preparo de tiuj datumoj kaj serĉas fotojn de personoj malaperintaj, iliaj personaj datumoj kaj la tago de ilia aresto.