IRANO - 09-an de septembro, 2010.

Teherano anoncis la interrompon de la ŝtonmortigado al Sakineh Aŝtiani por revizii ŝian kazon. Sakineh, 43-jara, estas akuzata je adulteco kaj jam de 5 jaroj suferas karceron en la malliberejo de Tabrizo. La anonco estis dissendita per la irana publika televido de la proparolanto de la Ministerio pri Eksteraj Aferoj.

"La verdikto pri la ekstergeedzecaj rilatoj estis interrompita kaj nun estas sub reviziado", deklaris la proparolanto de la ŝtata anglalingva agentejo Press TV.

Sakineh ankaŭ suferis torturojn. Ŝia filo, Sajad Aŝtiani, denoncis, ke lia patrino ricevis 99 vipobatojn. Laŭ Sajad, la tribunalo aldonis plian kondamnon kontraŭ Sakineh, ĉifoje pro "disvastigo de la koruptado kaj fikonduto" pro ŝia publika senvuala perfota montrado.

La tuta Eŭropa Parlamento kondamnis la mort-sentencon je ŝtonumado jam dekretita kaj postulis al la iranaj aŭtoritatoj la tujan reviziadon de la decido kaj ke ĝi garantiu justan proceson.

En rezolucio aprobita per la favora voĉdono de preskaŭ la tuto de la ĉambro, la eŭrodiputitoj konsideras, ke,"ne gravas kia ajn estas la okazintaĵoj, mortkondamno je ŝtonumado ne povas esti justigita nek akceptita".

La kazo de Sakineh levis ondumon da internaciaj protestoj inter Irano kaj Okcidento.

Sendis al ni tiun artikolon Andy Hernández Martínez. Dankon !