Serĉi en la retejo

     Vizitu nian paĝon en Facebook

eventeo feedburner

Klaku.net | Via demokratia amaskomunikilo en Esperanto - Submitted news
Reklamrubando
Agnosko de juda ŝtato kontraŭ halto de koloniado... PDF Presi Retpoŝtadreso
Pritaksoj: / 2
MalbonePlej bone 
Mezoriento - Politiko
ISRAELO / PALESTINO - 11-an de oktobro, 2010.


La israela ĉefministro, Benjamin Netanjahu, promesis hodiaŭ lundon 11-an de oktobro, peti al sia registaro novan moratorion de la koloniado en Cisjordanio "kondiĉe, ke la palestina regantaro diras sendubasence al sia popolo, ke ĝi agnoskas Israelon kiel la nacia Ŝtato de la juda popolo".

La Palestina Aŭtoritato tuj malakceptis la proponon. "Ĉi tiu peto havas nenian ligon kun la paco-procezo, nek kun la devontigoj kiujn Israelo ĝis nun ne plenumis. Ni malakceptas ĝin en la tuto kiel en la detalo", deklaris la ĉefa palestina diplomato, Saeb Erakat.
La Palestinanoj jam plurfoje forbalais ĉi tiun tipon de kondiĉoj, argumentante, ke ili jam agnoskis Israelon, kiu ĝis nun neniam petis ĉi tiun kondiĉon en la establo de diplomatiaj rilatoj kun aliaj landoj, inkluzivante kun arabaj subskribintoj de pac-akordoj kun Israelo.

Jam de kelkaj semajnoj kuŝas Israelo sub intensa internacia premo, precipe usona, por konsenti plidaŭrigi la moratorion pri novaj konstruoj en la kolonioj de Cisjordanio kiu eksvalidiĝis la 26-an de septembro. La palestina gvidanto Mahmud Abbas deklaris, ke li ne daŭrigos intertraktadojn se Israelo ne tuj ĉesas vastigon de siaj kolonioj en palestina teritorio.


 
 

Komentoj  

 
0 # Eric Coffinet 2010-10-12 09:01 jen nova pruvo, ke la plej fortaj baroj en tiu konflikto estas religiaj, ambaŭflanke.

Jaser' Arafat' paroladis al la okcidentanoj en la angla lingvo pri homaj rajtoj kaj "paco inter bravuloj", dum la palestinanojn li alparoladis en la araba lingvo pri "fina venko" de la islamanoj kontraŭ judoj kaj necesa trompo pere de la porpacaj traktadoj, kiujn li komparis kun la pac-traktato de Hudajbijah en 628 A.K. Respondi | Citi | Citi
 
 
0 # Elizio 2010-10-12 16:27 Israelo postulas cxiam pli, kaj intersxangxe nenion donas. Neniel povas Palestinanoj agnoski Israelon kiel juda sxtato, almenaux 1 miliono de civitanoj de Israelo NE estas judaj. Plie, Israelo estas demokratia lando, ne religia lando (almenaux oficiale…) Respondi | Citi | Citi
 
 
0 # Eric Coffinet 2010-10-12 16:40 Ŝtato povas esti samtempe religia KAJ demokratia … tio dependas de kiu religio temas !

Ekzistas multaj ŝtatoj, kies ŝtata religio estas islama aŭ kristana … kial ne juda ? Respondi | Citi | Citi
 
 
0 # Elizio 2010-10-12 18:02 Jes kompreneble, sed sxtato kun sxtata religio ne signifas la samon ol "sxtato de la Judoj" aux "juda sxtato" kiu subkomprenigas, ke tiu sxtato estas aparte por Judoj (kaj kio igxas alireligiaj kaj senreligiaj civitanoj ?…)
Tie cxi ne temas pri sxtata religio, sed pri difino mem de la lando, kiel sxtato de anoj de unu specifa religio. Tute alia afero ! Respondi | Citi | Citi
 
 
0 # Eric Coffinet 2010-10-13 12:02 Prava estas via zorgo pri roloj kaj rajtoj de ne-judoj en "juda kaj demokratia ŝtato de Israelo", same kiel prava estos zorgo pri roloj kaj rajtoj de ne-islamanoj en estonta "islama (ĉu demokratia ?) ŝtato de Palestinio". Historio instruas al ni tion, kion signifas en islama socio la "pakto de protekto" (DHIMMA en la araba lingvo) trudita al la ne-islama "popolo de la Libro" (AHL AL KETAB en la araba lingvo) interalie judoj kaj kristanoj : ili estas humiligataj "civitanoj" dua-rangaj, kiuj ne ĝuas samajn rajtojn ol islamanoj. Tion bone konas la kristanaj lebananoj kaj pri tio legu vidpunkton de Hezbollah en la angla lingvo ĉe shiaaffairs.org/.../5

Pri la historia "pakto de protekto" ( www.dhimmitude.org/.../ ) legu tiujn artikolojn en la lingvoj franca ( www.dhimmi.org/ArticlesF.html ) kaj angla ( www.dhimmi.org/LecturesE.html ) Respondi | Citi | Citi
 
 
+1 # Niklaas B. 2010-10-12 21:36 La strategio de Netanhaju estas ankaŭ kritikita en Israelo mem (ĵurnalo Jedioth Aharonoth). La ĵurnalo parolas pri "politika intrigo" kaj diras, ke en 1993, dum la reciproka agnosko de Israelo kaj la Organizo de Palestino kiel reprezentanto de la palestina popolo, neniel temis pri Israelo kiel juda ŝtato. la interkonsento nur diris:
"PLO agnoskas la rajton de la ŝtato Israelo ekzisti en paco kaj sekureco." Sed ekde tiam la israela registaro trudas al ne-Judoj kiuj kandidatiĝas por israela nacieco ĵuri lojalecon al "la juda kaj demokrata ŝtato de Israelo". Respondi | Citi | Citi
 
 
0 # Eric Coffinet 2010-10-13 09:17 Vi skribis : "Sed ekde tiam la israela registaro trudas al ne-Judoj kiuj kandidatiĝas por israela nacieco ĵuri lojalecon al "la juda kaj demokrata ŝtato de Israelo".

Tio ŝajnas al mi tute racia kaj prava, kaj tiel oni ĵuras en Usono … tamen mensogo dum ĵuro eblas !

la pakistanano Faisal Shahzad fariĝis usonano en 2009 sed li provis eksplodigi bombon ĉe TIME SQUARE en Nov-Jorko je la 1a de majo 2010. Ĉe la tribunalo li respondis al la ĵuĝisto ke, kiam li akiris la usonan ŝtatecon li ja ĵuris fidelecon al Usono sed estis tiam mensoganta : tion oni nomas "Takija" (trompo, mensogo, kaŝo, "saĝeco") en islamo. La tribunalo punis lin per dumviva enkarcerigo. (fonto en la lingvo angla telegraph.co.uk/.../... )

Ratoj ne povas ekzisti sen devoj, ĉar en ĉiu komunumo rajtoj de iuj estas devoj de aliaj. Respondi | Citi | Citi
 
 
0 # Niklaas B. 2010-10-13 09:34 Jxuri lojalecon al sxtato oni ja povas kompreni, kvankam kiel vi mem diras oni facile povas mensogi (do tio estas nur simbola jxurado kiu neniel utilas), sed en tiu kazo, temas pri jxuro al "juda sxtato", do tre preciza aludo al difinita religio ! Tio ne akcepteblas. Sed… sxajnas ke vi cxiukaze defendas Israelon, kion ajn tiu lando faras, kiel ajn tiu lando agas… Do ne utilas provi argumenti… Respondi | Citi | Citi
 
 
0 # Eric Coffinet 2010-10-13 11:38 Ĉiuj pasintaj komentoj bedaŭrinde malaperis … mi jam klarigis mian opinion similan al tiu de kristana palestinano Sami Aldib Abu-Sahlieh www.sami-aldeeb.com/, kiu estas fakulo kaj instruisto pri islama leĝaro en Svislando : UNUSOLA ŜTATO NERELIGIA POR ĈIUJ !

Israelanoj kaj palestinanoj havas la samajn esperojn kaj la samajn revojn, sed revoj de iuj fariĝis premsonĝoj de la aliaj kaj esperoj de iuj fariĝis malesperoj de la aliaj, ĉar ĉiuj rifuzas al la aliaj kion ili postulis por si mem. Sian menso-staton ili ĉiuj nepre devas ŝanĝi, kiel faris eŭropanoj post la dua mond-milito. Respondi | Citi | Citi
 
 
0 # G.D.Dunkan 2010-10-13 14:55
Ekde vi havas okazon mallauxdi Islamon vi tion tuj faras !!! Vi tion tiel ofte kaj regule faras, ke bedauxrinde la komentoj perdas parton de kredeblecon… Respondi | Citi | Citi
 
 
0 # Eric Coffinet 2010-10-13 15:52 Opinioj pasas sed faktoj restas !

Eklernu pri islama leĝaro (ŝaria') kaj pri statuto de la ne-islamanoj en islama socio (dhimma') kaj poste pripensu vian celon : ĉu temas pri homaj rajtoj por ĉiuj aŭ nur por iuj ?

Ĉu vi akceptus malrespektadon de la homaj rajtoj kontraŭ ne-islamanoj en islama ŝtato de Palestinio dum vi malakceptus malrespektadon de la homaj rajtoj kontraŭ ne-judoj en juda ŝtato de Israelo ?! Respondi | Citi | Citi
 
 
0 # George Burnett 2010-10-13 16:19 Religioj malaperu ! Estos unu problemo malpli en nia mondo… Respondi | Citi | Citi
 
 
0 # Eric Coffinet 2010-10-13 16:22 Responde al la israela propono, Jasser Abed Rabbo, kiu estas unu el la estroj de la Organizaĵo por Liberiĝo de Palestino (OLP) kaj ties reprezentanto dum la pac-traktadoj kun Israelo, petis de usona administracio kaj de Israelo mapon pri la landlimoj de la israela ŝtato agnoskota. Li asertis, ke se tiu mapo baziĝas sur la landlimoj de 1967 kaj celas redonon de ĉiuj palestinaj teritorioj okupitaj de Israelo en 1967, tiam OLP agnokos Israelon, kia ajn ĝi nomiĝas, konforme al la internacia ĵuro. (fonto : LEMONDE.FR lemonde.fr/.../... ) Respondi | Citi | Citi
 
 
0 # Elizio 2010-10-13 16:37 Bedauxrinde, oni jam konas la israelan respondon al tiu cxi peto… Respondi | Citi | Citi
 
 
0 # Eric Coffinet 2010-10-13 16:51 Je la 28a de septembro en Ĝenevo, dum la 15a kunsido de la Konsilio pri la Homaj Rajtoj, la Ligo Internacia Kontraŭ Rasismo kaj Antisemitismo (LICRA) alparole kontraŭstaris la pli kaj pli oftan uzadon de la vortoj "islamofobio" kaj "misfamigo de la religioj", kiu laŭ ĝia opinio estas malliberiga kaj danĝera. Ĝi denuncis organizaĵojn, kiuj malice strebadas ĉe UNoj por ke blasfemado refariĝu kontraŭleĝa kiel rasismo kaj tiel celas malfortigon de libera esprimado. Ne nur homojn oni ja devas protekti, sed ankaŭ homan rajton al libera kritikado de ideoj. (fonto : LICRA.FR licra.org/.../... ) Respondi | Citi | Citi
 

Aldoni komenton

La celo de la komentoj estas starigi interŝanĝojn pri artikoloj publikigitaj en Eventeo.

La administrantoj de Eventeo forigos ĉiujn komentojn plurfoje aldonitaj, komentojn kiuj ne rilatas al la temo de la artikolo, aŭ komentojn kun rasisma, kalumnia aŭ insulta enhavo.

La komentoj restas sub la respondeco de iliaj aŭtoroj. Respektu la aliajn uzantojn de la retejo.

Atentu pri la "interretaj troloj". Trolo estas persono kiu poŝtas polemikajn, incitajn, senrilatajn mesaĝojn en enreta komunumo, kiel enreta dissendolisto aŭ babilejo, cele al provoko de aliaj uzantoj en emocia respondo aŭ al interrompo de normala tema diskuto.


Sekureca kodo
Ĝisdatigi