IRANO - 01-an de julio, 2009.

La irana prezidento Mahmud Ahmadineĵad nuligis viziton al pintokunveno de la Afrika Unio en Libio, respondeculoj en Teherano anoncas. La oficejo de Sro Ahmadinejad ne donas iun kialon pro la decido. Lia vizito estintus unu el lia unua gravaj publikaj aperoj eksterlande ekde lia reelektiĝo en la irana ege disputata voĉdonado pasintmonate. La opozicio okazigis amasprotestojn, dirante, ke la voĉdonado estis falsita.
La aŭtoritatuloj neas la aserton. Jam 17 homoj supoze mortis dum kontraŭstaraj surstrataj amaskunvenoj. Lundon, la irana pinta balotada korpo, la Konsilio de Gardantoj, konfirmis la venkon de Sro Ahmadineĵad post parta rekonto de voĉdonoj. Lia ĉefa kontestanto, Mir Hossein Mousavi, diris, ke la tuta balotado devus esti nuligita kaj okazigita denove. Merkredon, alia venkita kandidato, Mehdi Karoubi, diris, ke la registaro de Sro Ahmadineĵad ne estas laŭleĝa.

Kelkaj respondeculoj de la Afrika Unio timis, ke la apero de Sro Ahmadineĵad ĉe la tritaga pintokunveno povus flankenpuŝi la afrikajn aferojn en la tagordo. Inter ili estas:

La Konsilio estas la plej influa organismo en Irano kaj estas aktuale regata de konservativuloj. "La sekretario de la Konsilio de Gardantoj en letero al la ministro de internaj aferoj anoncis la finan decidon de la Konsilio... kaj deklaris la aprobon de la precizeco de la rezultoj de la prezidentelekto," la ŝtata televidstacio diris. Parta rekonto de la balotado farita tiun lundon montris neniujn neregulaĵojn en la voĉdono, aldonas la irana anglalingva televidostacio, laŭ Reuters novaĵagentejo.

Sro Ahmadineĵad estis oficiale reelektita kun 63% de la voĉdonoj je la 12-a de junio. Raportoj diras, ke estis bataloj komence de la semajno en centra Teherano inter kontraŭstaraj manifestaciantoj kiuj provis formi homan ĉenon kaj sekurecfortoj. La Konsilio de Gardantoj decidis, ke neregulaĵoj en la voĉdonado ne povis ŝanĝi la rezulton de la balotado. Por multaj Irananoj la lasta decido konfirmanta la venkon de Sro Ahmadineĵadestas konsiderata kiel fraŭdo.

La grava krizo en Irano ekde la prezidentelekto  plonĝis la Islaman Respublikon en novan kaj nekonatan teritorion, fremdaj korespondantoj diras. Ĉiuj specoj de ruĝaj linioj estas transiritaj, kun senprecedenca publika kondamno de la supera gvidanto, Ajatolo Ali Ĥamanei. Irano restas dividita eĉ ene de la reganta elito kiu estas publike kverelanta. Dume la amasaj amaskunvenoj de multepartia kontraŭstara koalicio aperis. Ĉar ĝi ne havas efikan gvidantaron, la iranaj respondeculoj povis repreni la iniciaton, helpe de sekureca subpremo kaj centoj, iuj diras, eĉ kelkmiloj estis arestitaj. La homoj kiuj alstratiĝis ankoraŭ estas koleraj pri kio okazis, kaj la aŭtoritatuloj devas timi, ke kolero povus eksplodi denove.

Legu ankaŭ :