Serĉi en la retejo
Mezoriento : lasttempaj artikoloj
- Novaj judaj kolonioj konstruotaj en Palestino
- Sirio : 3000 malaperintoj pro la protestoj
- Mubarak juĝota en aŭgusto
- La "araba printempo" apud israelaj limoj
- Filmo pri Palestino...
- Ĉu morgaŭ Irano ?
- Prezidento Saleh promesas novan konstitucion
- Masivaj manifestacioj kontraŭ la prezidento en Jemeno
- Vilaĝo kiu rezistas dank'al sia biero...
- Agnosko de juda ŝtato kontraŭ halto de koloniado...
Vizitu nian paĝon en Facebook Plej popularaj artikoloj
Majo 2011
1 - Kosmosondiloj Voyager forlasos la sunsistemon en 20162 - Babela turo farita de libroj inaŭguriĝis en Bonaero
3 - Mallonge el Eŭropo
4 - La post-atoma epoko
5 - Baloto en Kanado : Konservativuloj gajnas
| Klaku.net | Via demokratia amaskomunikilo en Esperanto - Submitted news |
|
| Inaŭguriĝas miriga Muzeo pri Islama Arto |
 |
| Mezoriento - Kulturo |
  KATARO - 23-an de novembro, 2008.La tutmonda plej granda kolekto de Islama arto malfermiĝas al publiko en la malgranda mezorienta ŝtato Kataro. La Muzeo pri Islama Arto, kiu kostis 300 milionojn da usonaj dolaroj, estis inaŭgurita hieraŭ sabaton en Dohao, la ĉefurbo de Kataro, antaŭ Ŝejko Hamad bin Ĥalifa al-Thani, la Emiro de Kataro, kaj 1000 eminentuloj el la tuta mondo. Ieoh Ming Pei, la 91-jaraĝa arkitekto de la muzeo kaj kreinto de la fama Piramido de la muzeo Louvre en Parizo, diris al la spektantaro : "Mi estas nur arkitekto, sed ĉi tiu konstruaĵo estas tre speciala por mi. Ĝi helpis min lerni pri alia mondo, alia religio kaj alia kulturo." La muzeo estas kvazaŭ juvelo en la krono de la landa provo por fariĝi kultura centro en la regiono. La katara reĝa familio aktive aĉetis artaĵojn por la kolekto kiu etendiĝas de ĉina oraj objektoj al modernismaj pentraĵoj, inter ili abstrakta pentraĵo de Marko Rothko vendita de la usona magnato David Rockefeller pasintjare por 72,8 milionoj da dolaroj. "Ili estas tre diskretaj pri mono kaj investo, sed ili serĉas artaĵojn de internacia nivelo," oficialulo de la ĵus kreita Katara Aŭtoritato pri Muzeoj (QMA) diris al la brita gazeto "The Economist".  Oliver Watson, eksa altranga kuratoro de la Victoria & Albert Muzeo en Londono kiu konsilis pri la projekto, diris al la brita "Financial Times" : "Ĉi tiu kolekto ne estas tiel granda en komparo kun la Louvre aŭ la Metropolitan, sed la kvalito estas miriga. Ĝi povas egali la plej bonajn kolektojn ie ajn." Pli ol 1000 invititajn gastojn, inter kiuj estisj politikaj gvidantoj, Holivudaj famuloj, arabaj kantistoj, artistoj kaj artkritikantoj, ĉeestis la inaŭguran ceremonion. Mohamad Hassanein Heikal, konsilisto de la forpasinta egipta ĉefministro Gamal Abdel Nasser, kaj Dominique de Villepin, eksa franca ĉefministro estis inter la invititaj parolantoj. Konstruita sur homfarita insulo, la giganta kvinetaĝa Muzeo pri Islama Arto estas dediĉita al esploroj pri Islama arto, studado kaj kreado. "Ni volas montri, ke Islamo estas paca civilizacio, kiu ĉiam alvokis al toleremo kaj al kunvivado inter homoj", diris Ŝeiĥa Al-Mayassa, filino de la emiro de Kataro. Islamo "estas religio de toleremo, scio kaj civilizacio, kaj ne terorismo", ŝi klarigis antaŭ grupo de ĵurnalistoj. La muzeo elmontras artajn kolektojn kiuj datiĝas de la 8-a jarcento al la 19-a el ĉiuj partoj de la Islama mondo kaj landoj kiuj iam estis influitaj de Islamaj artismaj tendencoj, kiel Barato kaj Hispanio. La muzeo ankaŭ ekspozicias metalaĵojn, ceramikaĵojn, gemojn kaj juvelojn, lignaĵojn, teksaĵojn, eburaĵojn, ekzemplojn de Islama kaligrafio, antikvajn librojn kaj portretojn. La muzeo nun enhavas almenaŭ 4 500 objektojn sed nur proksimume 850 estos montrataj je iu aparta momento. Arabaj senditoj en Kataro deklaras, ke la muzeo ludos gravan rolon en profundigo de interrilato inter Oriento kaj Okcidento. |
