Serĉi en la retejo
Mezoriento : lasttempaj artikoloj
- Novaj judaj kolonioj konstruotaj en Palestino
- Sirio : 3000 malaperintoj pro la protestoj
- Mubarak juĝota en aŭgusto
- La "araba printempo" apud israelaj limoj
- Filmo pri Palestino...
- Ĉu morgaŭ Irano ?
- Prezidento Saleh promesas novan konstitucion
- Masivaj manifestacioj kontraŭ la prezidento en Jemeno
- Vilaĝo kiu rezistas dank'al sia biero...
- Agnosko de juda ŝtato kontraŭ halto de koloniado...
Vizitu nian paĝon en Facebook Plej popularaj artikoloj
Majo 2011
1 - Kosmosondiloj Voyager forlasos la sunsistemon en 20162 - Babela turo farita de libroj inaŭguriĝis en Bonaero
3 - Mallonge el Eŭropo
4 - La post-atoma epoko
5 - Baloto en Kanado : Konservativuloj gajnas
| Klaku.net | Via demokratia amaskomunikilo en Esperanto - Submitted news |
|
| Ĉu Israelo retenas palestinan akvon ? |
 |
| Mezoriento - Diversaĵoj |
  PALESTINO/  ISRAELO - 27-an de oktobro, 2009.Israelo malhavigas al Palestinanoj aliron al baza pura, sekura akvo, Amnestio Internacia diras. En raporto, la grupo pri homaj rajtoj diras, ke Israelo restriktas liveron de akvo al Palestinanoj en okupata Cisjordanio. Ĝi diras, ke "en la Gaza-Strio, la israela blokado metis situacion de akvolivero kaj kloakaro en severan krizon". Israelo diras siaflanke, ke la raporto estas misa kaj la Palestinanoj akiras pli da akvo ol estis konsentite sub la pacakordo de la 1990-aj jaroj . En la 112-paĝa raporto, Amnestio deklaras, ke la mezuma palestina ĉiutaga akvokonsumo atingas 70 litrojn tage, kompare kun 300 litroj por la Israelanoj. Ĝi diras, ke iuj Palestinanoj apenaŭ ricevas 20 litrojn tage - la minimumon rekomendita eĉ en humanitaraj krizoj. Amnestio ankaŭ asertas, ke Israelo malakceptas al cisjordaniaj Palestinanoj la rajton fosi putojn, kaj eĉ detruas akvocisternilojn.  Samtempe, la raporto asertas, ke israelaj kolonianoj ĝuas naĝejojn kaj verdajn ĝardenojn. En la Gaza-Strio, Israelo rifuzas aliron al multe de la konstruaĵ-materialoj kiuj necesas por renovigi la malfortiĝantan akvosistemon, la dokumento diras. En la raporto aldoniĝas, ke Israelo uzas pli ol 80% de la akvo el la grundakvaj montoj, ĉefa fonto de subtera akvo en Israelo kaj okupataj palestinaj teritorioj. "Akvo estas baza bezono kaj rajto, sed por multaj Palestinanoj, ricevi malriĉajn kaj malbonkvalitajn kvantojn da akvo iĝis vera lukso, kies koston ili apenaŭ povas pagi", Amnestio diras. "Israelo devas ĉesigi sian diskriminacian politikon, tuj levi ĉiujn restriktojn kiujn ĝi trudas sur palestina aliro al akvo. Israelo akceptu la respondecon pri traktado de la problemoj kiujn ĝi kreis, ebligante al Palestinanoj aliri al justa porcio de la dividenda akvoresurso". La proparolanto de la israela registaro Mark Regev diris, ke la raporto estis fakte erara, akuzis la Palestinanojn pri misadministrado de akvoresursoj. Li ankaŭ malakceptis la aserton, ke Israelo malhelpas al Palestinanoj bori por trovi akvon. La proparolanto diris, ke Israelo aprobis 82 tielajn projektojn sed la Palestinanoj sole efektivigis 26 de ili. Artikolo tradukita el la BBC |
