LIBANO / ISRAELO - 12-an de septembro, 2009.

Du raketoj estis pafitaj de suda Libano al norda Israelo, anoncis la israela polico. Neniu estis vundita en la okazaĵo de lasta vendredo posttagmeze. La mortaroj estis pafitaj el la vilaĝo de Qalayil kaj alteriĝis en la okcidenta regiono de Galileo. Israelo respondis siavice per pafado de almenaŭ 15 raketoj al Qalayil, 9 km de la havenurbo de Tiro.

La israela armeo diris, ke ĝi tenas la libanan registaron kaj armeon respondeca pro la raketpafado, pro tio ke ili devu malhelpi raketpafado de Libano al Israelo. La interŝanĝo okazis unu tagon post kiam la libana Saad Harriri anoncis, ke li eksiĝas kiel libana nomumita ĉefministro. La kontraŭstaro malakceptis lian Kabinetoproponon. Iuj analizistoj zorgas pri tio, ke la malĉeesto de registaro en Libano povus estigi ankaŭ malĉeesto de aŭtoritato kaj plimalbonigi la staton de sekureco.

Israelo batalis tutmonatan militon en 2006 kontraŭ Hezbollah, grupo originale starigita por batali la israelan okupacion de suda Libano kaj kiu daŭrigas fortan subtenon inter libanaj Ŝijaismaj Islamanoj. Hezbollah ne postulis respondecon de la vendreda pafado. Palestinaj frakcioj en suda Libano antaŭe estis suspektataj pri raketopafoj al Israelo. Kelkaj raketoj estis pafitaj al la israela teritorio ekde la milito de 2006. "En plej okazoj mankas asertoj de respondeco, kaj respondeculoj en Libano kulpigis ekstremismajn grupojn - foje Palestinanojn, foje grupojn ligitajn al al-Kaido. La altempigo estas grava. Unue, la israela armeo faras gravan militistan ekzercon laŭ la landlimo ĉi tiun semajnon. " rakontas analizisto.

La israela armeo diris, ke ĝi estas preparanta por ebla milito. La ekzercado ŝajnigas intensan militon. "Ĝi ankaŭ okazas semajnojn post kiam Benjamin Netanjahu, la israela ĉefministro, diris al Hezbollah, ke ili estos devigitaj porti la respondecon pri iu ago okazonta, se Hezbollahaj respondeculoj estos parto de la nova registaro en Libano. Hassan Nasrallah, la Ĝenerala Sekretario de Hezbollah, interpretis tiun komunikaĵon israelan, dirante, ke milito certe baldaŭ ne okazos, sed, ke Israelo provas bloki la formadon de nova libana registaro. Libano estas sen registaro dum pli ol du monatoj.