FRANCIO - 27-an de julio, 2008.

Carlos Sastre hodiaŭ gajnis sian unuan "Tour de France" kaj iĝas la tria Hispano en tri jaroj kiu tion faras. La rajdanto de la teamo CSC, 33-jaraĝa, estis jam unua ekde lastsabata etapo, kaj fine gajnis per 58 sekundoj antaŭ sia tuja sekvanto.

La aŭstralia Cadel Evans, duaviculo en 2007, prenis ĉi-jare la duan lokon denove dum la aŭstria Bernhard Kohl estas tria. La belga Gert Steegmans gajnis la finan 143-kilometrojn longan etapon de Etampes al Parizo, kiu tradicie finiĝas sur la fama avenuo Champs Elysées. La verdan ĵerzon, kiu premias la plej bonan mallongdistancan kuriston de la vetkuro, fine gajnis la hispana rajdanto de la teamo Rabobank Oscar Freire, kiu finiĝis en la 10 unuaj de ok etapoj.

Sed la tago apartenas ja al la modesta Sastre kiu ĝuis la tradician malstreĉitan lasttagan procesion en Parizo. Li ekposedis la flavan ĵerzon kiam li lanĉis aŭdacan atakon malsupre de la vetkura fina montogrimpado, kaj sukcesis pasi la linion de tiu etapo en L'Alpe d'Huez kun 2 minutoj kaj 15 sekundoj anticipe de sia rivalo Evans. "Tio estas tre emocia momento por mi," diris Sastre post la fina etapo. "Mi revis pri ĉi tiu moment jam de mia infanaĝo. Mi ne trovas vortojn, esti tie ĉi kun mia familio estas vere speciala."