FRANCIO - 03-an de marto, 2011.


Liaj senkulpigaj vortoj neniel lin helpis. Akuzita, ke li eldiris rasismajn kaj antisemitajn insultojn en tre vizitata kafejo de la franca ĉefurbo, la brita eks-tajloro John Galliano de Dior estas juĝota post kelkaj semajnoj, antaŭ la deliktpunan tribunalon de Parizo.

La brita tajloro aperos en la tribunalo pro rasa ofendo, anoncis merkredon la tribunalo de Parizo en komunikaĵo. "Fine de la enketo (...), la tribunalo de Parizo sciigas, ke ĝi decidis persekuti Sinjoron John Galliano per rekta voko antaŭ la deliktpuna tribunalo, pro publikaj ofendoj al privatuloj pri ilia deveno, ilia aparteno al religio (...) eldiritaj kontraŭ tri viktimoj", indikas la tribunalo pariza.

La brita tajloro probable estos juĝita dum la dua trimestro de 2011, precizigas la tribunalo. Li riskas 6 monatojn de malliberejo kaj 22.500 eŭrojn da monpuno.

La afero komencis ĵaŭdon vespere per kverelo inter la tajloro kaj paro en moda kafejo de la kvartalo de "le Marais" en Parizo, apud lia hejmo. Interpelaciita en stato de ebrieco, la eksa arta direktoro de Dior estas akuzita, ke li diris rasismajn kaj antisemitajn insultojn. Li neas la faktojn kaj portis plendon pri kalumnio. Li tamen prezentis siajn ekskuzojn merkredon.

La fama luksa firmo Dior tuj decidis maldungi lin.