Eŭropo : lasttempaj artikoloj
- Romaoj : Francio ne akceptas "karikaturon"
- Francio elpelas centojn da Romaoj malgraŭ kritikoj
- Samseksemeco jam ekzistis en prahistorio
- Koloseo bezonas monon !
- Taŭroluktoj malpermesotaj en Katalunio
- Unesko nomumas Erevanon kiel Monda Ĉefurbo de la Libro 2012.
- La romaa Hanulo de Saint Denis falis
- DNA diros kiu estas en tombo de Ceauşescu
- Hispanio venkas en Futbala Mondpokalo
- "Solar Impulse" sunenergia aviadilo sukcese flugis
La mondo en bildoj
| Klaku.net | Via demokratia amaskomunikilo - Submitted news |
|
| Mortis Miep Gies, lasta helpinto de Anne Frank |
 |
 |
| Eŭropo - Socio |
  NEDERLANDO - 12-an de januaro, 2010.Miep Gies, la lasta postvivinto de la grupo kiu helpis kaj protektis Anne Frank kaj ŝian familion de la Nazioj, mortis en Nederlando je la aĝo de 100 jaroj. Ŝi kaj aliaj dungitoj de la patro de Anne Frank, Otto, provizis la familion per manĝaĵo kiam ili kaŝiĝis en sekreta aneksdomo super komerca sidejo en Amsterdamo. La taglibro de Anne pri ilia vivo kaŝita, kiu finiĝis pro perfido, estas unu el la plej famaj atestaĵoj pri la Holokaŭsto.
La taglibro estis savita de Miep Gies, kiu tenis ĝin sekure ĝis post la milito. Miep Gies mortis en maljunula hospitalo post falo tuj antaŭ Kristnasko. Parolante pasintjare kiam ŝi festis sian 100-an naskotagon, Sinjorino Gies malpligravigis sian rolon, dirante, ke aliuloj faris multe pli ol ŝi mem por protekti Judojn en Nederlando. Ŝi kaj samrangaj dungitoj kaŝis la junulinon Anne kaj la sep aliajn familianojn dum du jaroj, de 1942 al 1944. Kiam la familio estis trovita de la aŭtoritatuloj, ili estis deportitaj, kaj Anne mortis pro tifo en la germana koncentrejo de Bergen-Belsen.  Miep Gies kolektis ĉiujn paperojn de Anne kaj enŝlosis ilin for, esperante, ke iun tagon ŝi povos doni ilin reen al la fraŭlino. Post la milito ŝi fine redonis ilin al Otto Frank, kiu supervivis la militon, kaj helpis lin kompili ilin en taglibro kiu estis eldonita en 1947. La famega taglibro poste vendiĝis dekojn de milionoj da kopioj en dekoj da lingvoj. Miep Gies fariĝis speco de ambasadoro por la taglibro, vojaĝis tra la mondo por paroli pri Anne Frank kaj ŝiaj spertoj, kampanjis kontraŭ neado de la Holokaŭsto kaj refutis akuzojn, ke la taglibro estas falsaĵo. Por ŝiaj penoj protekti la familion Frank kaj konservi ilian memoron, Sinjorino Gies ricevis multajn laŭdojn. En intervjuo de 1998, eldonita sur la retejo annefrank, Miep Gies opiniis, ke tiam estis "perfekte nature" helpi al Anne kaj la sep aliaj malgraŭ la punoj kiujn ŝi povintus suferi sub la Nazia okupo. "Ili estis senpovaj, ili ne sciis kien sin turni" ŝi diris. "Ni faris nian devon kiel homoj: helpi bezonulojn." Ŝia rolo estis, ŝi memoris, venigi legomojn kaj viandon dum aliuloj provizis la kaŝitojn per pano aŭ libroj. Ŝiaj memoroj de Anne estas, ke ŝi havis la senton "paroli al plenkreskulo". "Mi eĉ diris al mi, infano, tiel juna kaj jam parolanta tiel," ŝi rakontis en la intervjuo. Iun tagon, rakontas ŝi, ŝi ektrovis Anne skribantan la taglibron. "Estis treega nekomforta situacio. Mi provis decidi kion fari. Ĉu mi iru for aŭ iru al ŝi? Ĉe tiu momento ŝi ekrigardis min, per rigardo kiun mi neniam forgesos. "Ĉi tiu ne estis la Anne kiun mi konis, amika, ĉarma infano. Ŝi rigardis min kun kolero, kolerego. Tiame Anne leviĝis, fermis sian taglibron kaj kolere rigardis min kun granda degneco. Jes, ŝi diris, ankaŭ pri vi mi skribas. Mi konsterniĝis. La sola afero kiun mi povus respondi estis : Tio devas esti interesa." Miep Gies ankaŭ memoris pri la tago kiam la familio Frank estis forprenita kaj kiel ŝi supreniris en la malplena alkonstruaĵo kaj trovis la paĝojn de la taglibro kuŝantajn sur la grundo. Ŝi ne legis ilin tuj, dirante al si tiutempe: "Ĉi tiuj apartenas al infano, sed eĉ infanoj rajtas havi privatecon." Legu pli pri Anne Frank |
