Eŭropo : lasttempaj artikoloj
- Grekio sub vasta striko kaj protesto
- Unua 3D-gazeto en Eŭropo
- Ĉu rusa polico uzas homajn ŝildojn ?
- Germana polico fermis standon en ekspozicio CeBIT
- Armenio celebras la agnoskadon de la armena genocido far komisiono de la Kongreso de Usono
- Beboj kaj morto...
- Piloto flugadis dum 13 jaroj kun falsa licenco
- Grekio konfirmas ŝparplanon de 4,8 miliardoj da eŭroj
- Ventego Xynthia trafas Francion kaj detruas milojn da hejmoj
- Skandalo en Eŭropa Parlamento
La mondo en bildoj
| Klaku.net | Via demokratia amaskomunikilo |
|
| Episkopo eksiĝas pro akuzoj pri seksa molestado |
 |
 |
| Eŭropo - Socio |
  IRLANDO - 17-an de decembro, 2009.Irlanda episkopo eksiĝas, kelkajn semajnojn post kiam lia pritrakto de akuzoj pri seksa molestado al infanoj estis severe kritikita. Raporto pri fitrakto fare de pastroj en la Dublina Ĉefdiocezo deklaris, ke la pritrakto fare de la episkopo en la 1980-aj jaroj estas "neakceptebla". Vatikano diris, ke la Papo akceptis lian eksiĝon kiel episkopon de Limerick. Dro Murray diris : "mi bone scias, ke mia eksiĝo ne povas nuligi la doloron, kiun la supervivintoj de fitrakto suferis en la pasinteco kaj ankoraŭ suferas ĉiun tagon."
 La tielnomata raporto Murphy pri seksaj fitraktoj en la Dublina Ĉefdiocezo de la periodo inter 1975 kaj 2004 forte kritikis la hierarkion de la Katolika Eklezio pro ties pritrakto de pastroj suspektataj pri seksaj atakoj al infanoj. La raporto diris, ke multaj episkopoj pli okupiĝis pri konservo de la reputacio de la Eklezio, prefere ol protekto de infanoj. Ĝi trovis, ke dum la tempo kiam Dro Murray estis helpa episkopo en Dublin de 1982 al 1996, li estis senkonsidera de plendoj pri pastroj kiuj poste fiagadis denove. Dro Murray diris tiusemajne, ke li profunde kaj komplete studis la raporton antaŭ ol decidi eksiĝi. "Mi humile pardonpetas refoje al ĉiuj fitraktitoj kiel infanetoj," li diris. "Al ĉiuj supervivintoj de fitrakto, mi ripetis, ke mia unua zorgo estos helpi ĉiele por helpi ilin trovi serenecon. Mi petis al la Sankta Patro, ke li permesu al mi eksiĝi kaj nomumi novan episkopon en la diocezo, ĉar mi kredas, ke mia ĉeesto kreos malfacilaĵojn por la supervivintoj, kiuj devas esti en unua loko en niaj pensoj kaj preĝoj." La Dro Murray partoprenis diskutojn pri sia estonteco kun la Papo en Vatikano pasintsemajne. Li diris, ke la Papo Benedikto akceptis lian eksiĝon lastan lundon, kaj konsentis, ke la Dro Murray revenos al Limerick por esti en sia diocezo kiam la eksiĝanonco estos farita. La raporto Murphy diris, ke la Episkopo Murray ne konvene traktis la suspektojn kaj zorgojn kiuj estis esprimitaj al li rilate al unu pastro, P. Tom Naughton en 1983. Iom poste, faktaj indicoj de figadaoj fare de Naughton aperis en alia paroĥo. Laŭ la raporto Murphy, la Episkopo Murray tute ne enketis pri pli fruaj suspektoj, kaj tio estas "neakceptebla". En majo 1998, Naughton deklaris sin kulpa pri ses akuzoj pri malĉasta atenco al tri knaboj en 1985 kaj 1986. Li estis enprizonigita por tri jaroj, poste reduktita al du jaroj. Merkredon, Naughton estis enprizonigita denove - ĉifoje por tri jaroj, pro seksatenco kiam li estis messervanto inter 1982 kaj 1984. |
Komentoj
Abono RSS por komentoj de ĉi tiu artikolo.