Serĉi en la retejo
Eŭropo : lasttempaj artikoloj
- Ne al Tito-strato en Slovenio !
- Divorco finfine laŭleĝa en Malto
- Ratko Mladić arestita
- Islanda vulkano ĝenas eŭropan aertrafikon
- Sociaj movoj pliampleksiĝas en Hispanio
- Ĉu baldaŭ registaro en Belgio ?
- Mallonge el Eŭropo
- Princo Charles atingas atend-rekordon
- Ĉu Kadafi havas gravan sekreton pri Francio ?
- En Rusio ne plu estas Milico
Vizitu nian paĝon en Facebook Plej popularaj artikoloj
Majo 2011
1 - Kosmosondiloj Voyager forlasos la sunsistemon en 20162 - Babela turo farita de libroj inaŭguriĝis en Bonaero
3 - Mallonge el Eŭropo
4 - La post-atoma epoko
5 - Baloto en Kanado : Konservativuloj gajnas
| Klaku.net | Via demokratia amaskomunikilo en Esperanto - Submitted news |
|
| Francaj soldatoj intence elmetataj al atomaj testoj |
 |
 |
| Eŭropo - Sciencoj |
  FRANCIO - 17-an de februaro, 2010.Francaj respondeculoj intence elmetis soldatojn al atomaj elprovoj en Saharo, laŭ esploristoj citantaj konfidencan francan militistan raporton. Almenaŭ estis unu testo kies celo estis "studo de la fiziologiaj kaj psikologiaj efikoj de atomarmiloj sur homoj", ili diras. La ĵurnalo Le Parisien, kiu montris eltiraĵojn de la dokumento hieraŭ mardon, citis la ministron pri Defendo kiu diris, ke li ne havas konon de la raporto.
Kelkaj iamaj soldatoj diras, ke ili malsaniĝis pro francaj testoj kiuj datiĝas el la 1960-aj jaroj. Ili plendis dum jardekoj, ke ili ne ricevis sufiĉan protekton kontraŭ radioaktivaj sekvaĵoj dum elprovoj, kaj iuj asertas, ke ili estis uzitaj kiel "kobajoj". Post longa tempo, dum kiu ĝi neis sian respondecon en la afero, la franca registaro pasintjare faris leĝon por kompensi veteranojn por sanproblemoj kiuj povus esti ligitaj al la testoj.  Esploristoj ĉe la Observatorio de Armilaroj en Lyon, kiuj kunlaboras kun francaj veteranoj de la atomaj testoj, diris, ke la raporto de ili citita estis skribita en la 1990-aj jaroj kiel superrigardo de francaj elprovoj, kaj, ke ĝiaj informoj estis ĉerpitaj el sekretaj militistaj dokumentoj. Ĝi priskribas intereson en la studado de "la fiziologiaj kaj psikologiaj efikoj de atomarmiloj sur homoj" rilate al la franca kvara testo, nomita "Gerboise Verte", la 25-an de aprilo 1961. Ĝi diras, ke soldatoj estis deplojitaj en "taktikajn eksperimentojn" dum la testo. Patrice Bouveret, esploristo ĉe la Observatorio de Armilaroj, diris, ke la raporto estas la plej eksplicita indiko ĝis nun, ke francaj respondeculoj intence elmetis testpartoprenantojn al danĝeraj kromefikoj. "Ĝis hodiaŭ ni neniam havis rektan kalkulon de soldatoj uzitaj en ĉi tiuj manovroj," li rakontis al la brita BBC. "La francaj respondeculoj sciis, ke ili tiam metis la soldatojn en danĝeron, kiam ili sendis ilin al tiuj testoj, kaj malpleje ili estus devintaj fari aranĝojn por protekti ilian sanon." La ministro pri Defendo Hervé Morin, citita de la ĵurnalo Le Parisien, deklaris, ke li nenion scias pri tiu raporto kaj emfazas, ke la nivelo de radiado al kiu partoprenantoj estis elmetitaj estis "tre malforta". La franca parlamento aprobis la registaran leĝon por monkompensi veteranojn pasintmonate. Sed veteranoj plendas, ke la leĝaj kondiĉoj estas tro restriktaj kaj, ke nur parteto de tiuj tiam trafitaj de la testoj povos ricevi kompenson. Ili estas kampanjantaj por ke la leĝo inkluzivu pli da testoj, pli larĝan geografian zonon, kaj pli grandan nombron de malsanoj, kiam ĝi ekvalidiĝos post kelkaj monatoj. Francio faris 17 atomajn testojn en la alĝeria Saharo en la 1960-aj jaroj. Francio poste transmetis siajn elprovojn al Franca Polinezio, kie pliaj 193 testoj estis kompletigitaj ĝis la lasta en 1996. |
