SVISLANDO - 23-an de septembro, 2010.


Tio estas grava novaĵo kiu venas el Svislando. En tiu ĉi lando, unu inter la lastaj kiu permesis al virinoj voĉdoni (1971), konsistas la svisa federala registaro el plimulto da virinoj. Efektive ekde tiu ĉi semajno, la svisa registaro kalkulas pli da virinoj ol viroj.

La socialisma Simonetta Sommaruga, kiu estis subtenita de granda partio de dekstraj partioj, estis elektita de la Parlamento en la Federala Konsilio, tiel alportante la nombron de virinoj al kvar, en tiu registaro kiu havas sep membrojn. La socialistino, 50-jaraĝa, balotade ricevis absolutan plimulton de 159 voĉdonoj kaj la rezulto estis salutita de aplaŭdoj.

Ŝi sukcedas al la eksiĝinta ministro Moritz Leuenberger, kiu respondecis pri Transportado, Energio kaj Komunikado.

Sinjorino Sommaruga, de nun nova federala ministrino, fariĝis populara dank' al sia rolo kiel estrino de Fondaĵo por la protekto de konsumantoj. En la unua parolado post balotado hieraŭ, Simonetta Sommaruga esprimiĝis en la kvar naciaj lingvoj : "La plimulto devas ankaŭ konsideri kaj kalkuli kun ĉiuj malplimultoj, ĉu kulturaj, lingvaj, religiaj, politikaj aŭ aliaj". La nova ministrino promesis engaĝiĝi por pligrandigi la fidon de siaj samlandanoj en politiko.