Eŭropo : lasttempaj artikoloj
- Grekio sub vasta striko kaj protesto
- Unua 3D-gazeto en Eŭropo
- Ĉu rusa polico uzas homajn ŝildojn ?
- Germana polico fermis standon en ekspozicio CeBIT
- Armenio celebras la agnoskadon de la armena genocido far komisiono de la Kongreso de Usono
- Beboj kaj morto...
- Piloto flugadis dum 13 jaroj kun falsa licenco
- Grekio konfirmas ŝparplanon de 4,8 miliardoj da eŭroj
- Ventego Xynthia trafas Francion kaj detruas milojn da hejmoj
- Skandalo en Eŭropa Parlamento
La mondo en bildoj
| Klaku.net | Via demokratia amaskomunikilo |
|
| Rusio malglaciigas ligojn kun Ukrainio |
 |
 |
| Eŭropo - Politiko |
  RUSIO /  UKRAINIO - 22-an de januaro, 2010.Dmitrij Medvedev, la rusa prezidento, anoncas, ke li sendos ambasadoron al Ukrainio, sekve de la balota malvenko de la ĝisnuna okcidentofavora prezidento Viktor Juŝĉenko, kies provo de reelektiĝo tute malsukcesis. Dimanĉon balotintoj donis al li hontigan kvinalokan rangon, lasante du rusiofavorajn kandidatojn konkursi en la elimina balotado de la 7-a de februaro.
"Mi pensas, ke vi devus komenci viajn devojn kiel ambasadoron en Ukrainio kaj provi plifortigi la amikan karakteron de rilatoj inter niaj landoj," Medvedev laŭraporte diris antaŭ rusaj novaĵagentejoj ĉe kunsido kun Miĥail Zurabov, lia ambasadoro nomumita, tiun mardon. Medvedev igis Zurabov ambasadoro en Ukrainio pasintjare, sed anoncis en aŭgusto, ke li ne sendos lin al Kievo proteste kontraŭ "kontraŭrusa" politiko de Juŝĉenko.  Viktor Janukoviĉ kaj Julia Tymoŝenko, la ukraina ĉefministrino, prenis la plej grandan porcion de voĉdonoj lastan dimanĉon, kaj antaŭvideble provos plibonigi rilatojn kun Rusio, se ili estos elektitaj venontmonate. "Mi esperas, ke la kalkulo de la definitivaj rezultoj en Ukrainio estigos kapablan, efikan registaron, kiu direktos sin al la evoluado de helpemaj, amikaj kaj multdimensiaj rilatoj kun Rusio," Medvedev diras. Juŝĉenko, kiu enoficiĝis dum la okcidentofavora Oranĝa Revolucio de 2004, fojerefoje interbatalis kun la rusa registaro. Li kolerigis Moskvon kiam li provis enirigi Ukrainion en la militistan aliancon NATO, kiam li subtenis Kartvelion, malamikon de Rusio kaj kiam li kampanjadis por klasifikado kiel genocido de malsatego el la epoko de Stalino, kiu mortigis milionojn da Ukrainoj. Sed li gajnis nur kvin procentojn de la voĉdonoj en dimanĉa unuaronda balotado, laŭ apudfinaj rezultoj. Balotantoj punis lin ĉar li ne respektis sian promeson pri reformoj kaj ne sukcesis eltiri Ukrainion el profunda ekonomia krizo. Sergej Lavrov, rusa ministro pri Eksterlandaj Aferoj, ankaŭ reliefigis la plezuron de Moskvo ĉe la foriro de Juŝĉenko el potenco. "Rigardante la perspektivojn de rusaj-ukrainaj rilatoj, ni ĉiam estas kontraŭ alproksimiĝoj kiuj estas politikizitaj, artefaritaj kaj havas nenion komunan kun la interesoj de ukrainaj homoj," Lavrov diris mardon. "Ni esperas, ke la nova prezidento, kies nomo ni probable eltrovos je la 7-a de februaro, plene komprenos la neceson konstrui rilatojn ĉi tiel kaj ne tenos ilin kiel ostaĝon de siaj ambicioj." |
