ISLANDO - 25-an de majo, 2011.


La erupcio de la islanda vulkano Grimsvötn ĵus ĉesis, tiun merkredon kaj ĝi ne plu elkraĉas cindrojn, kies disvastigo maltrankviligis la respondeculojn de aertrafiko tra norda Eŭropo, anoncas la meteologiaj servoj el Islando kaj Britio.

"Estas signoj kiuj montras, ke la erupcio vere finiĝas", diris al Reuters la islanda meteologisto Hrafn Gudmundsson. "Oni ne plu detektas fumon ekde 03:00 UT, la lastaj fumeroj aperis je 02:10 UT kaj de tiam, ŝajnas ke precipe vaporo eliras el la kratero", li aldonis.

La estro de la islanda ŝtato, Olafur Grimsson, pridemandita de BBC, deklaris siaflanke, ke "la vulkano ŝajnas trankviliĝi. La erupcio malkreskas iom post iom kaj la nubo de cindroj reduktiĝas".

La erupcio, kiu komenciĝis lastan sabaton, kreis altegajn kolumnojn da fumo kaj cindroj, foje pli ol 20.000 metrojn en la ĉielon, kaj ĝi daŭris ĝis merkredo matene. La cindronubo ĝenis la aertrafikon super norda Eŭropo, ĉefe en Islando mem, Skotlando, kaj Germanio.

La flughavenoj de Hamburgo kaj de Bremeno, kiuj ricevas respektive 480 kaj 120 ĉiutagajn flugojn, devis fermiĝi en la mateno, sed ilia remalfermo estis antaŭvidita ghodiaŭ mem.