FRANCIO - 01-an de marto, 2010.

Parto de la franca atlantika marbordo estis ankoraŭ sub la akvo kaj sub la ŝoko lundon, la morgaŭon de la veno de la ventego Xynthia, kies lasta bilanco estas almenaŭ 51 mortintoj. La franca prezidento Sarkozy, kiu promesis malbloki 3 millionojn da eŭroj, ankaŭ diris, ke oni komprenu la kialojn pri tiu katastrofo.

La ministroj pri Ekonomio Lagarde, pri teritorio Hortefeux kaj pri buĝeto Woerth kontraktis tiun lundon la tekston pri stato de katastrofo natura por la urboj tuŝitaj de la ventego.

En pejzaĝo de detruo, la loĝantoj de la departementoj Charente-Maritime kaj Vendée en okcidenta Francio vidis la vastecon de la detruaĵoj kaj la homan koston : almenaŭ 51 mortintoj, 9 malaperintoj, almenaŭ 300 vunditoj, laŭ bilanco ankoraŭ dumtempa, dekoj de kvartaloj sub akvo, centoj de domoj detruitaj aŭ domaĝitaj.

La departamento de Vendée estas la plej severe trafita, kun almenaŭ 33 mortintoj kaj 11 mortintoj en Charentes-Maritimes, laŭ la civila sekureco. La ministro pri teritorio diris, ke tiu bilanco povus plimalboniĝi. La fajrosoldatoj vizitas ĉiun domon.