Tiuj planoj sin distribuas inter novaj rentoj kiel impostoj (2,4 milliardoj da eŭroj) kaj tranĉoj en la elspezoj (2,4 miliardoj de eŭroj). Por tio, la registaro decidis redukti al 30% la monpremiojn de la laborantoj de la publika sektoro, kaj halti altigon de la emeritmonoj, aldonis Petalotis

La registaro same prenis la decidon por plikostigo de la takso de valoro de 19% al 21%. "Tiuj planoj necesas por la supervivo de nia lando kaj de nia ekonomio", deklaris Papandreou. Tiuj planoj aldoniĝas al tiuj jam deciditaj de Ateno, post la peto rapida de la Eŭropa Unio, kiu maltrankviligite vidas la krizon de la publika greka ŝuldo faligi la eŭrozonon. La plano de konsumbridado estas tre malbone akceptita en la popolo, kiu jam faris ĝeneralan strikon kaj vokitas de la sindikatoj al aliaj movoj de protestadoj en la tagoj venontaj.

Papandreou iros al Berlino vendrede por kunparoli kun Angela Merkel, poste al Parizo dimanĉe por renkonti la prezidenton Sarkozy, kaj al Vaŝingtono sekvontan mardon por kunparoli kun la prezidento Obama, laŭ grekaj respondeculoj.

Sendis al ni tiun artikolon Pierre Schere. Dankon !

Fama kantistino Nana Mouskouri volas helpi sian landon

Samtempe, la fama greka kantistino Nana Mouskouri diras, ke ŝuldoŝarĝita Grekio povas ricevi ŝian pension de iama eŭropa deputito por helpi faciligi la premon sur la publikaj financoj. La kantistino, kiu servis kiel eŭropa deputito de 1994 al 1999, deklaris, ke ŝi vidas tiun proponon kiel ŝian "devon al la lando". Ŝi instigis Grekojn helpi sian propran landon. Ŝi ricevas EU-pension de 25 000 eŭroj ĉiujare, ŝia agento diris.

Nana Mouskouri sendis sian proponon en letero al la greka ministerio pri Financoj, citita de la greka ĉiutaga gazeto Eleftherotypia. Mouskouri parolis pri "nova vundo por la lando, kiu estas malfacile traktebla, kaj mi pensis pri kiel helpi". Ŝi memorigis la arbarajn fajregojn kiuj elrabis partojn de Grekio en lastatempaj jaroj. Mouskouri estas unu el la plej furoraj disk-artistoj de ĉiuj tempoj kaj vendis pli ol 300 milionojn da diskoj tutmonde.

Naskiĝinta sur la insulo Kreto, ŝi registris 1500 kantojn en sep lingvoj dum ŝia longa kariero. Ŝi estis eŭropa deputito nome de la konservativa partio Nova Demokratio de Grekio, kiu sidas nun en opozicio.