Serĉi en la retejo
Eŭropo : lasttempaj artikoloj
- Ne al Tito-strato en Slovenio !
- Divorco finfine laŭleĝa en Malto
- Ratko Mladić arestita
- Islanda vulkano ĝenas eŭropan aertrafikon
- Sociaj movoj pliampleksiĝas en Hispanio
- Ĉu baldaŭ registaro en Belgio ?
- Mallonge el Eŭropo
- Princo Charles atingas atend-rekordon
- Ĉu Kadafi havas gravan sekreton pri Francio ?
- En Rusio ne plu estas Milico
Vizitu nian paĝon en Facebook Plej popularaj artikoloj
Majo 2011
1 - Kosmosondiloj Voyager forlasos la sunsistemon en 20162 - Babela turo farita de libroj inaŭguriĝis en Bonaero
3 - Mallonge el Eŭropo
4 - La post-atoma epoko
5 - Baloto en Kanado : Konservativuloj gajnas
| Klaku.net | Via demokratia amaskomunikilo en Esperanto - Submitted news |
|
| DNA diros kiu estas en tombo de Ceauşescu |
 |
 |
| Eŭropo - Diversaĵoj |
  RUMANIO - 21-an de julio, 2010.Sciencistoj en Rumanio eltombigis tion, kio kredeble estas la restaĵoj de siatempa diktatoro Nicolae Ceauşescu kaj lia edzino Elena por kontroli ilian identecon. La eltombigo sekvas peton de la familio de Ceauşescu, kiu pridemandis ĉu la paro estis vere entombigita en la tombejo de Ghencea en Bukareŝto.
Nicolae Ceauşescu regis Rumanion de 1965 ĝis li estis faligita en la revolucio de 1989. Li estis kaptita kaj ekzekutita kune kun lia edzino post kiam ili provis fuĝi. Oni kredas, ke la korpoj estis rapide entombigitaj en sensigna tombejo en la tombejo de armitaj fortoj. Sed kie vere kuŝas la kadavroj restas unu el la grandaj nesolvitaj misteroj de la rumana revolucio. La nura supervivanta filo de Nicolae kaj Elena Ceauşescu, Valentin, kaj la edzo de ilia filino deziras konfirmi la identecon de la  korpoj. Merkredon, patologiistoj kaj tombejo-respondeculoj kontrolis la eltombigon, metis erojn de la korpaj restaĵoj en plastajn sakojn por fari DNA-testojn. La bofilo Mircea Oprean laŭraporte diris, ke laŭ li la restaĵoj verŝajne estas tiuj de la geedzoj Ceauşescu , kvankam li ne povas certigi tion ĝis la testoj estos faritaj. "Mi vidis la korpojn, mia patro estis tre bone konservita, mi rekonis lian nigran vintran jakon kun iuj truoj en ĝi," li diris, laŭ la AFP novaĵagentejo. Gelu Voican-Voiculescu, siatempa oficialulo de la registaro kiu prenis la potencon post la falo de Nicolae Ceauşescu, kontrolis la entombigon en 1989 kaj deklaris, ke la testoj montros, ke li ĉiam estis prava. "La geedzoj Ceauşescu ja troviĝas en tiuj tomboj," li diris. "Mi esperas, ke tiuj, kiuj ĝenadis min dum multaj jaroj kun ĉiuj specoj de akuzoj hodiaŭ pardonpetos." La testoj per DNA povus daŭri proksimume ses monatojn, laŭ rumanaj raportoj en la amaskomunikilaro. "Mi esperas, ke la DNA ne estis fuŝita pro akvo, sterkaĵoj aŭ acidaj substancoj, ĉar, se ĉi tio estas la kazo, estos tre malfacile akiri tre precizan rezulton," Dan Dermengiu, la estro de Rumania Nacia Instituto pri Laŭleĝa Medicino, diris al la televidstacio Realitatea TV. |
