FRANCIO - 06-an de junio, 2009.

Aliancaj gvidantoj kunvenis en Francio por marki la 65-an datrevenon de la T-Tago en la Dua Mondmilito en Normandio. La ceremonio estis okazigita por honorigi veteranojn de la soldatoj kaj tiuj, kiuj mortis je la 6-a de junio 1944, dum la invado de Normandio,komenco de la fino de la milito.

En tombejo apud la fama plaĝo de Omaha, la usona prezidento, laŭdis la pli ol 9387 usonaj soldatoj mortigitaj en la batalo, kiam usonaj, kanadaj kaj britaj soldatoj sturmis sur la plaĝoj sub torentoj de Nazia fajrego. "Ĉe horo de maksimuma danĝero, dum la plej neesperigaj cirkonstancoj, viroj ordinaraj trovis ene de si mem la kapablon fari ion eksterordinaran," Obama diris. "Oni tiam ne povis scii, sed grandan parton de la progreso kiu difinos la 20-an jarcenton, ĉe ambaŭ flankoj de la Atlantiko, oni heredis la batalo por tiuj plaĝoj nur ses mejlojn longajn kaj pli ol tri kilometrojn larĝajn," li diris. "Se la Alianculoj ne estus sukcesintaj tie ĉi, la okupacio de Hitler de ĉi tiu kontinento eble estus daŭronta senfine."

En tio, kio restas la plej granda sturmalbordiĝo en la homa historio, iuj 156 000 personoj alteriĝis en Francio je la 6-a de junio 1944. Proksimume 10 000 soldatoj de la Alianco tiam mortis, vundiĝis aŭ malaperis, dum Germanio perdis inter 4000 kaj 9000 soldatojn, kaj miloj da francaj civiluloj ankaŭ estis mortigitaj. "Ni neniam forgesos la doloron aŭ la etendon de la sufero, kaj ni neniam rezignos la revon pri paco kaj justico por homeco," Nicolas Sarkozy, la prezidento de Francio, diris apud Obama, la kanada ĉefministro Stephen Harper kaj la brita ĉefministro Gordon Brown.

Britoj konsistigis la plej grandan porcion de la 1500 eksmilitistoj kiuj ĉeestis la diversajn ceremoniojn en Normandio kaj Gordon Brown faris omaĝon al "la kuraĝaj viroj de la plej granda sturmalbordiĝa operaco en la kroniko de milito." Inter gastoj ĉe la ceremonio estis Tom Hanks, stelulo de la filmo "Saving Private Ryan" kiu komenciĝas per scenoj prezentantaj Normandion.