NIĜERIO - 27-an de novembro, 2008.

Niĝeria agentejo pri manĝaĵoj kaj kuraciloj anoncas, ke 25 geinfanoj kiuj havas inter tri monatojn kaj kvar jarojn mortis post kiam ili englutis kontaminatan dentopuŝan siropon. La Nacia Agentejo pri Administro kaj Kontrolo de Manĝaĵoj kaj Kuraciloj (NAFDAC) diris, ke ĝi fermis la fabrikon en Lagos, "Barewa Pharmaceuticals".

La siropo, nomata “My Pikin”, estis infektita de dietilena glikolo. La substanco, uzita en motorfridigaĵoj kaj -kontraŭglaciigiloj, ekkaŭzis renan kolapson de  la geinfanoj. Ili mortis en tri hospitaloj en Lagos, Ibadan kaj Zaria. Almenaŭ 10 aliaj infanoj laŭ raportoj  estis transportitaj al hospitaloj. La NAFDAC diris, ke simptomoj inter la infanoj kiuj trinkis siropon inkluzivis lakson, vomadon, febron kaj konvulsiojn, kaj ke ili ne plu povis urini dum kelkaj tagoj.

La agentejo diris, ke ĝi unue ricevis raportojn de ebla kontaminado je la 19-a de novembro kaj komencis konfiski la siropon du tagojn poste. "NAFDAC-oficiroj estas senditaj tutlanden por elviŝi la postrestaĵojn de ĉiuj aroj de la kuracilo ankoraŭ en cirkulado," la estrino de la agentejo, Dora Akunyili, laŭraporte diris. Ŝi ankaŭ alvokis al patrinoj halti uzi la medikamentojn sur iliaj infanoj.