Serĉi en la retejo
Vizitu nian paĝon en Facebook | Klaku.net | Via demokratia amaskomunikilo en Esperanto - Submitted news |
|
| Terura akcidento en Burkina-Faso |
 |
| Afriko - Diversaĵoj |
 BURKINA-FASO - 16-an de novembro, 2008.Almenaŭ 60 homoj mortis en kolizio inter pasaĝeraŭtobuso kaj varkamiono en tiu okcidentafrika lando. La du veturiloj ekbrulis post la kraŝo kaj multaj restis kaptitaj en la aŭtobuso, loka oficialulo diris al AFP novaĵagentejo. La akcidento okazis ĉe tagiĝo apud la urbo Boromo, 167 km okcidente de la ĉefurbo, Uagaduguo. La aŭtobuso laŭ raportoj estis survoje al najbara Ebura Bordo. La ŝtata radiostacio Radio Burkina diris, ke 60 personoj estis mortigitaj en la kolizio. "La sceno estas horora. La aŭtobuso estas tute oblikva, estas korpoj sur la vojo, iuj restas en la derompaĵoj, estas cindrigitaj korpoj kiujn ni ankoraŭ estas forigantaj. Estas vere horore," rakontas tribunala prokuroro. Ŝajnas, ke la aŭtisto de la aŭtobuso supervivis la akcidenton kaj raportis, ke estis pli ol 80 homoj en lia veturilo. Kelkaj homoj estis laŭdire vunditaj, iuj kun severaj brulvundoj. Kamionoj en Burkina-Faso ankaŭ ofte portas pasaĝerojn. Aŭtomobilaj akcidentoj estas oftaj en la lando, precipe fine de la pluvsezono kiam multaj vojoj, jam en malbona kondiĉo, estas inunditaj. Burkina-Faso okupas la malbonan lokon kiel la monda tria plej malriĉa lando de la UN. Multaj Burkinanoj laboras en Ebura Bordo. |
