Serĉi en la retejo
Azio : lasttempaj artikoloj
- Grava tropika ŝtormo frapas Filipinojn
- Ĉinio: 659 milionoj da usonaj dolaroj estis uzataj por sanigaj aferoj en Xinjiang
- Japanio subtaksis riskojn de cunamo
- Ĉu Dalailamao bonvena en Ĉinio ?
- Efika maturiĝo de fruktoj pere de muziko
- Fortega tertremo kaj cunamoj frapas Japanion
- Dalai-Lamao preparas sian politikan rezignon
- Batalhelikopteroj mortigas 9 afganajn infanojn
- Kontesto de diktatoraj reĝimoj: ĉu risko por Ĉinio ?
- Ora semajno en Ĉinio
Vizitu nian paĝon en Facebook Plej popularaj artikoloj
Majo 2011
1 - Kosmosondiloj Voyager forlasos la sunsistemon en 20162 - Babela turo farita de libroj inaŭguriĝis en Bonaero
3 - Mallonge el Eŭropo
4 - La post-atoma epoko
5 - Baloto en Kanado : Konservativuloj gajnas
| Klaku.net | Via demokratia amaskomunikilo en Esperanto - Submitted news |
|
| Populara "Eurovision" kantokonkurso baldaŭ en Azio |
 |
| Azio - Sportoj kaj distraĵoj |
|
19-an de septembro, 2008. Ĝi jam ĝojigis kaj foje konsternis spektantojn tra tuta Eŭropo dum pli ol 50 jaroj sed unu kontinento jam ne sufiĉas por la "Eurovision Kantokonkurso", kies respondeculoj anoncis hieraŭ, ke ĝi de nun ankaŭ necesas spektakli en Azio. Japanio, Ĉinio kaj Barato estos inter la 15 aziaj landoj kiuj sendos siajn kiĉe vestitajn kantistojn de sentimentalaj kanzonoj por konkursi por gloro, diris la Eŭropa Elsend-Unio bazata en Ĝenevo, en sia ĵusa komunikaĵo. "Ni jam alportis la eŭropan version de la Eurovision Kantokonkurso al Mezoriento kaj Norda Afriko, ni aktuale ĝojas, ke spektantoj trans Azio amuziĝos per unu el la plej bonaj establitaj distraj spektakloj en la mondo," diris Bettina Brinkmann de Eurovision Televido. La azia versio komenciĝos en 2009, kaj partoprenos konkursantoj de Kamboĝo, Ĉinio, Honkongo, Barato, Indonezio, Japanio, Laoso, Makao, Malajzio, Pakistano, Filipinoj, Singapuro, Sudkoreio, Tajvano, Tajlando kaj Vjetnamio. "La formato estas tre konforma al la azia regiono kaj siaj popoloj kiuj amas popularan muzikon kaj havas fortan nacian fieron," diras Andreas Gerlach, Ĝenerala Direktoro de Asiavision Pte. Ltd, la firmao kiu produktos kaj surmerkatigos la programon. "En Azio hodiaŭ tute regas konkurso, ekonomie kaj politike. La Kantokonkurso estas amika konkurso inter kulturoj," li aldonis. Turniroj okazos dum sesmonata periodo ĉe regionaj kaj naciaj niveloj, kies kulmino estos la granda fina konkurso. La Eurovision Kantokonkurso komenciĝis en la italparolanta svisa urbo Lugano en 1956, kaj dum la pasintaj jaroj evoluis kaj fariĝis regula programo sur la eŭropaj televidstacioj. Antaŭaj gajnintoj inkluzivis famulojn kiel la svedan grupon Abba, Sandie Shaw, Buck's Fizz kaj Katrina and the Waves, sed en lastaj jaroj la konkurson venkas per grandega plimulto orienteŭropaj ŝtatoj, tiel ke alvenas akuzoj pri aropa kaj politikema voĉdonado. |
