BARATO - 09-an de marto, 2010.

La supera ĉambro de parlamento de Barato voĉdonas pri leĝo, kies celo estos rezervi trionon de ĉiuj seĝoj en la nacia parlamento kaj subŝtataj parlamentoj por virinoj. La vicprezidento de Barato alvokis al "voĉa voĉdono" de deputitoj en la supera ĉambro. Nun li petas oficialan kalkulon de tiuj voĉdonoj.

La leĝopropono estis enkondukita lundon, inter tumulto de oponantoj rezultanta en la aresto de sep deputitoj marde. Unue proponita en 1996, la leĝo nun havas subtenon de la ĉefaj partioj de Barato.

Nuntempe virinoj reprezentas nur 10% el deputitoj de la malsupera ĉambro de parlamento kaj eĉ malpli en la subŝtataj asembleoj. Sonia Gandhi, prezidantino de la Kongresa Partio, diris, ke por ŝi la propono estas ege grava, kaj ke aprobi ĝin estus "donaco al la virinoj de Barato".

En la parlamenta sistemo de Barato "voĉa voĉdono" estas la unua stadio de la voĉdonada procezo. Kiam tiu ĉi voĉa voĉdono okazis, kalkulo de voĉdonoj estas farita, kiu donas la realan nombron de voĉdonoj favoraj kaj kontraŭaj al la leĝopropono.

Ĉi tiu kalkulo bezonas la subtenon de du-trionoj de parlamentanoj ĉeestantaj kaj voĉdonantaj por esti aprobata.