Azio : lasttempaj artikoloj
- Pakistano akceptas helpon el Barato
- Ĉinio : unua retumanto en la mondo
- Katastrofa situacio pro inundo en Pakistano
- Usono ĉeestas ceremoniojn en Hiroshima
- Indonezio ordonas filtradon de Interreto
- Internacia Konferenco pri estonteco de Afganio en Kabulo
- Grava sanzorga krizo en Nordkoreio
- Singapuro : plej rapide kreskanta ekonomio de la mondo
- Nul-ellasa aǔto en la ĝardeno de SME
- Vojaĝo en la ĝardeno de SME...
La mondo en bildoj
| Klaku.net | Via demokratia amaskomunikilo - Submitted news |
|
| Ĉinio kondamnis la usonajn kritikojn de ĝia Interret-reguloj |
 |
| Azio - Socio |
  ĈINIO - 22-an de januaro, 2010.Ĉinio kondamnis la usonajn kritikojn de ĝia Interret-reguloj, dirante, ke ili povus malutili al ligoj inter la du landoj. La usona sekretariino pri Eksterlandaj Aferoj Hillary Clinton alvokis al Ĉinio levi restriktojn en Interreto. Hillary Clinton ankaŭ alvokis al Pekino prienketi Google-plendojn, laŭ kiuj retatakoj devenis de Ĉinio. La proparolanto de la ministerio pri Eksterlandaj Aferoj Ma Zhaoxu diris, ke Usono devu "respekti faktojn" kaj halti fari "senbazajn akuzojn kontraŭ Ĉinio".
"Usono kritikis la ĉinan politikon administri Interreton, kaj subkomprenigis, ke Ĉinio restriktas Interretan liberecon," li diris en komunikaĵo afiŝita sur la retejo de la ministerio pri Eksterlandaj Aferoj. "Ĉi tio kontraŭas la faktojn kaj estas danĝera por rilatoj inter Ĉinio kaj Usono." Artikolo en la anglalingva novaĵ-retejo "Global Times" de la Komunisma Partio nomis la kritikojn de Sinjorino Clinton "informa imperiismo". En ampleksa parolado en Vaŝingtono, Hillary Clinton diris, ke Interreto estas "fonto de treega progreso" en Ĉinio, sed aldonis, ke iu ajn lando, kiu restriktas liberan aliron al informoj riskas "enmurigi sin for de la progreso de la sekvonta jarcento". Ŝi diris, ke Usono  intencas trakti demandon pri Interreta libereco ene de sia interrilato kun Pekino. Ŝi ankaŭ alvokis al forta ago kontraŭ homoj kaj ŝtatoj kiuj faras retatakojn. Google diris, ke la 12-an de januaro hakeroj provis enŝteliĝi en sian softvarkodadon kaj retpoŝtkontojn de ĉinaj aktivuloj por homaj rajtoj, en "tre altnivela" atako kiu devenis de Ĉinio. Kiam la firmao bazita en Kalifornio lanĉis la retejon "google.cn" en 2006, ĝi konsentis cenzuri iujn serĉorezultojn - kiel la protestojn de 1989 en la Placo Tian An Men, la tibetan sendependecon aŭ Falun Gong - laŭbezone de la ĉina registaro. Ĉinaj respondeculoj diris plurfoje, ke Google kaj aliaj fremdaj Interretaj firmaoj estas bonvenaj por funkcii ene de Ĉinio, kondiĉe, ke ili obeas la landajn leĝojn kaj tradiciojn. Hillary Clinton alvokis al ĉinaj respondeculoj prienketi la Google-plendon pri retatakoj, kaj havebligi rezultojn. Ŝi ankaŭ petis al firmaoj kiuj laboras en Ĉinio, kaj aliloke, forte aserti "principojn" kontraŭ cenzuro. "La privata sektoro dividas respondecon sekurigi liberan esprimon... ĉi tio devas esti parto de nia nacia marko." Hillary Clinton ankaŭ parolis pri landoj kiel Tunizio, Egiptio, Irano, Saŭda Arabio kaj Uzbekio kiel tiuj, kiuj striktigis cenzuron aŭ ĝenadis blogantojn. Ĉiniaj ŝtataj amaskomunikiloj reagis kolere al tiu parolado. La gazeto "Global Times" diris : "La usona kampanjo por malcenzuro kaj libera fluo de informoj pri malrestrikta Interreto estas kaŝita provo trudi ĝiajn valorojn en aliajn kulturojn en la nomo de demokratio." Misekvilibroj en la "tutmonda informa ordo" estis pli favoraj al okcidentaj landoj kaj sekve landoj kiel Ĉinio, kiu estis malfavorata en ĉi tiu ordo,devis klopodi "por protekt sian nacian intereson", la ĉefartikolo diras. "Ĉina vera intereso en la libera fluo de informoj estas evidenta en ĝia rifuzo esti viktimigita de informa imperiismo." |
