Serĉi en la retejo
Azio : lasttempaj artikoloj
- Grava tropika ŝtormo frapas Filipinojn
- Ĉinio: 659 milionoj da usonaj dolaroj estis uzataj por sanigaj aferoj en Xinjiang
- Japanio subtaksis riskojn de cunamo
- Ĉu Dalailamao bonvena en Ĉinio ?
- Efika maturiĝo de fruktoj pere de muziko
- Fortega tertremo kaj cunamoj frapas Japanion
- Dalai-Lamao preparas sian politikan rezignon
- Batalhelikopteroj mortigas 9 afganajn infanojn
- Kontesto de diktatoraj reĝimoj: ĉu risko por Ĉinio ?
- Ora semajno en Ĉinio
Vizitu nian paĝon en Facebook Plej popularaj artikoloj
Majo 2011
1 - Kosmosondiloj Voyager forlasos la sunsistemon en 20162 - Babela turo farita de libroj inaŭguriĝis en Bonaero
3 - Mallonge el Eŭropo
4 - La post-atoma epoko
5 - Baloto en Kanado : Konservativuloj gajnas
| Klaku.net | Via demokratia amaskomunikilo en Esperanto - Submitted news |
|
| Bangladeŝo testas novan rizospecion |
 |
 |
| Azio - Sciencoj |
  BANGLADEŜO - 16-an de decembro, 2009.Esploristoj en Bangladeŝo staras nun en la fina etapo de elprovo de tri novaj rizovarioj, kiuj laŭ ili povos supervivi la ĉiujaraj inundoj. Oftege pli ol 20% de Bangladeŝo troviĝas sub akvo, kaj milionoj da tunoj da rizo estas perditaj. Dum normalaj rizovarioj mortas post du- aŭ tritaga restado en akvo, testoj montras, ke la novaj specioj povas supervivi pli longe ol du semajnoj.
Esploristoj diras, ke la novaj varioj povus plibonigi la landan ĉiujaran rikolton. Sciencistoj ĉe la Bangladeŝa Esplorinstituto pri Rizo (angle BRRI), en la ĉirkaŭaĵo de la ĉefurbo Dako, esperas, ke la registaro baldaŭ aprobos la uzadon de tiuj novaj varioj kaj ke kultivistoj povos komenci kultivi ilin antaŭ la sekvonta musono. "Pli ol du milionoj da hektaroj suferas pro la postefikoj de subitaj inundoj, sekve, se ni akiras unu aŭ du pliajn tunojn da rizo en ĉiu rikolto, tiam Bangladeŝo multe pli proksimiĝos al konstanta  memsufiĉeco pri manĝaĵoproduktado," Ĥandakar Ifteĥarudaula, la ĉefesploristo, diras. Li kredas, ke la novaj varioj povos helpi al Bangladeŝo pritrakti la efikon de tutmonda varmiĝo, ĉar sciencistoj timas, ke la inundoj probable plimalboniĝos estontece. Rizo estas kultivaĵo kiu estas absolute havenda por la landa supervivo. "Rizo estas vivo por Bangladeŝanoj. Ĝi provizas per 70% de manĝaĵokalorioj, kaj 70-80% de la kultivistoj en la lando sin vivtenas per rizokultivo," Sro Ifteĥarudaula deklaras. Unu el la varioj, nomata "Swarna-Sub1", jam estis enkondukita sukcese en Baraton, dum la du aliaj estas evoluigitaj de la Bangladeŝa Esplorinstituto pri Rizo mem, kiu utiligas ofte kultivitan lokalan rizovarion. La sciencistoj ne uzas genetikan modifadon, sed tra hibridigaj teknikoj povas enkonduki inundorezisteman genon en malsamajn rizovariojn. Tio estas kunlabora projekto rilate al sciencistoj de diversaj landoj, kiuj kune laboras tra la Internacia Esplorinstituto pri Rizo en Filipinoj, kaj financata de la Fonduso Bill kaj Melinda Gates. Laboro ankaŭ estas farita por evoluigi rizon kiu povos kreski en saleca akvo. Tiu rizo helpos kultivistojn en marbordaj lokoj, kie la leviĝanta marnivelo minacas inundi bienlandon. Laŭ novaj donitaĵoj disponigitaj en septembro ĉi tiun jaron, ĝis 20 milionoj da homoj en malalta Bangladeŝo estas minacataj de la leviĝanta marnivelo en la venonta jardeko. Sciencistoj antaŭvidis, ke saleca akvo povus eniri foren en la internan landon, kio malfaciligos la kultivadon de ĉefaj nutraĵoj kiel rizo. |
